Tiranë, dhuruan gjak 7 të infektuar me SIDA e 17 me hepatit C

nga **Agim Gashi** Thu Dec 06, 2012 10:25 pm

Tiranë, dhuruan gjak 7 të infektuar me SIDA e 17 me hepatit C

Katër sëmundje infektive testohen automatikisht për çdo person që dhuron gjak në spitale apo grupe të organizuara vullnetare. Të dhënat për hepatitet B dhe C, virusin HIV dhe sifilizin i bashkëngjiten fletës individuale të analizës, e cila përmban edhe grupin e gjakut.

Edhe për rastet kur gjaku dhurohet në rrethe, analizat sillen në Tiranë në Qendrën Kombëtare të Kontrollit të Gjakut. Për fat të mirë, sipas drejtuesve të saj, numri i dhuruesve vullnetarë është rritur ndjeshëm. Në total, vitin e kaluar ka pasur 25.887 dhurues, ndërsa për këtë vit janë kapërcyer 26 mijë.

Kjo, pasojë e sensibilizimit të popullatës. Megjithatë nuk mungojnë rastet kur vetë qytetarët nuk kanë dijeni që janë mbartës të sëmundjeve të rrezikshme infektive dhe e mësojnë vetëm pasi japin gjak. “Me shtimin e dhuruesve vullnetarë ka një tendencë rënieje të sëmundjeve infektive. Megjithatë, si në çdo vend të botës, ne vazhdojmë të identifikojmë raste të mbartësve të këtyre sëmundjeve”, sqaroi drejtoresha e Qendrës Kombëtare të Kontrollit të Barnave, Irena Qendro.

Sipas saj, metoda automatike është e saktë për identifikimin e kësaj game sëmundjesh me përjashtim të periudhës dritare. “Për virusin HIV me pajisjen që ne kemi, periudha dritare është 14 ditë, ndërsa për hepatitin C, i cili ka inkubacion të gjatë, kjo periudhë arrin në 30 ditë”, thotë Qendro. Me virusin HIV për vitin e kaluar janë zbuluar 0.03% e dhuruesve ose 7 veta. Mbartës të hepatitit C janë diagnostikuar 0.69% e dhuruesve apo 17 persona.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30