Hasan QYQALLA:KUR IDEALIN E SFIDON ME JETË A VDEKJE… POETI!

nga **Agim Gashi** Tue Dec 11, 2012 10:30 pm

Hasan QYQALLA:KUR IDEALIN E SFIDON ME JETË A VDEKJE… POETI!

Në shenjë përkujtimi të luftëtarit, reporterit e poetit Tahir DESKU,
AKADEMI PËRKUJTIMORE MBAJTUR NE FLIEDEN AFËR FULDËS NË GJERMANI

Hasan QYQALLA:KUR IDEALIN E SFIDON ME JETË A VDEKJE… POETI! Tahir-desku

Edhe atëher kur Toka jonë bymehej nga gjaku, këngëtari këndoi me lot për sy, poeti vargënoi vargje gjakimi, piktori harroi brushën zhytur në ngjyrëkuqe, romansie
ri nxjerr dihamë për dramë, gazetari shkruan kronologji mbi gur për luftëtarin e idealeve të Lirisë.
Po kush ishte pra Tahir Desku!? Poet, gazetar, shkrimtar, lajmëtar, luftëtar,…apo (!?), dhe rastësisht më kujtohet një rilindas i apostrofuar për mua, një krijues e luftëtar i denjë i çështjes kombëtare, ai ishte Mihal GRAMENO! E them apostrofuar, mbase pas krijimeve voluminoze letrare, ai ngjesh Armën, kur e kërkon Liria për Atdheun! I till ishte edhe Tahir DESKU, që lapsin e përdori jo vetëm për krijimtari, por sikur parapërgatitej psikologjikisht në letrat, vështrimet, vargjet e shkruara edhe për luftë, vetëm të realizohet ëndërra e kahmotshme dhe shumëpritur e popullit tonë aq të përvuajtur. Ai gërshetoi trimërisht frymën e artit krijues dhe artin ushtarak. Dhe e gjejmë në arenën e trimëris me notes në dorë e pushkë në krah. Dëgjohej kumbueshëm e jehonte ëmbël nga vatrat e flakura, kur bënte raportime të drejtpërdrejta, ajo ngjyrë zëri që isha mësuar ta dëgjoja nëpër Amfiteatrot e Fakulteteve me vargun e ri në buzë. Nuk trembej se nuk trembej, edhe pse ishte sa i njohur, po aq i tmerrshëm për okupatorin serb. Edhe pse ndiqej e përcillej hap pas hapi, si Hije e zezë e ndiqnin pas! Nuk trembet as nuk tërhiqet për asnjë çast poeti trim apo tani reporteri luftëtar edhe pse vdekja i trokiste pas shpine. Ai raporton nga vija e zjarrit, edhe kur plumbat i sillen rreth e qark si breshëri…! Ai, nuk prish shikimin kah Dielli, nuk ndal zërin për re,… „luftë është“,- thoshte, ku mund çdo çast të vdes, siç shkruan edhe në poezin e tij me sa vijon:

Kam mundur të vdes…!

Sa e gjatë kjo pushkë
Që më bën hije mbi kokë
E ky shkëmb ku po e shkruaj
Këtë varg

Kam mundur të vdes
Për shembull në Beverly Hills
Londër Paris a Barcelonë

Bulevardeve të Europës dhe Amerikës
Mes gjinjve të vashave
Rimave e vrimave

Kam mundur të vdes larg

Bukur po vdes
Tek ky shkemb
Në këtë varg …!

Pra, sfidon idealin me luftë a vdekje,… “e vdekjen”,- tha “do ta mund”! … Dhe vazhdon raportimin: “Ofenziva e UÇK-së vazhdon betejat duke i sjellë humbje të mëdha okupatorëve serb… Lufta vazhdon me fitore të reja të UÇK-së ”, e nuk hezitonte t’u thoshte bashkëluftëtarve se “do zëmë Idealin kombëtar, mbase edhe ishim peng të Idealeve”! Pikërisht, kujtoj unë, këtu xhveshet nga mistika artistike frymëzuese duke nxjerr në pah një frymë të re në letrat shqipe. Dialogimin poetik, frymëzimin real apo te drejt për drejt, identifikimin profetik (të atyre që derdhën gjakun, që ndalën frymën e fundit apo lane pjesë të trupit), e të ajrosen lirshëm me frymën e Lirisë. Prandaj u identifikua si “Lajmtari i Lirisë”, asaj Fletushke, që një kohë të keqe botohej, shpërndahej e lexohej ilegalisht! Është zëri që preku Qiellin dhe ngjyrosi retë! Është vet Tahir Desku,… Ai, që edhe kur ngriste dollin na kujtonte Lasgush Poradecin, i cili përsëriste si refren shpirti thënjen: “Heu mos m’bëftë mire kjo gotë “dolli”, po s’u bashkua Kosovë e Shqipëri”! Gjersa poeti pararendës (L. Poradeci, iku me këtë plagë në shpirt!!!), poeti pasthënës (T. Desku) e luftëtar i idealeve gjer në gjakim, arriti prek tok etnit (të ndara prej kohësh!!!)… Dhe iku,…iku pa na thënë “LAMTUMIRË”! Ate kujtoj se vet nuk deshi tat hot, mbase shkroi, plagoi, gjakoi dhe kërkoj të prek këtë FESTËSHEKULLI KOMBËTAR,… Të bëhet edhe këtu dëshmitar i Idealeve, skrificës, ashtit e gjakut… Gjersa Lidhja e Shkrimtarëve, Artistëve e Krijuesve Shqiptarë në Gjermani (një grup syresh) e morën me vete në Tiranë, Vlorë, Prishtinë, Tetovë, Luginë e Klinë ndërsa bashkëluftëtari, Marshmërgimtari, kolegu, bashkëraportuesi, bashkidealisti, apo më konkretisht udhërrëfyesi i betejave të përbashkëta Z. Magjun Smajli, e solli të freskët kujtimin në këtë Akademi Përkujtimore!
Lavdi Pendës e Pushkës së poetit “rrebel”, Tahir DESKU…!
LAVDI…LAVDI…!

Flieden,08.12.2012. Hasan QYQALLA

Hasan QYQALLA:KUR IDEALIN E SFIDON ME JETË A VDEKJE… POETI! 385165_452575468124281_383572004_n

Hasan QYQALLA:KUR IDEALIN E SFIDON ME JETË A VDEKJE… POETI! 385165_452575468124281_383572004_n

Qani Mehmedi, Hasan Qyqlla dhe Sadik Krasniqi në Akademi Përkujtimore për Tahir Deskun

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30