Turqia: Neve do të na keni mbështetje deri në kijamet

nga **Agim Gashi** Sat Dec 22, 2012 2:24 pm

Turqia: Neve do të na keni mbështetje deri në kijamet

Ministri i jashtëm turk, Ahmet Davutoglu sot u takua edhe me kryetarin e Bashkësisë Fetare Islame në Maqedoni, Sulejman Rexhepi, me ç’rast bashkërisht falën namazin e xhumasë në xhamin e Mustafa Pashës.
Për ministrin turk krerët e BFIM-së u përkujdesën për një pritje madhështore, ku pasuan edhe mesazhe për përkujdesje, përkrahje dhe bashkëpunim më të thelluar.

Kreu i BFIM-së pas shprehjes së mirëseardhjes theksoi se Turqia si shtet i madh dhe i zhvilluar tregon interesim të madh për tërë ballkanin në përgjithësi e posaçërisht për Maqedoninë në të gjitha sferat e veçanërisht në aspektin fetar sepse në Maqedoni jeton një numër i madh i myslimanëve të cilët e kanë vendin e vet të posaçëm.
Kryetari i BFIM-së, Reis ul Ulema Sulejman Rexhepi pas takimit dhe faljes së namazit të xhumasë falënderoi Ministrin turk Davutoglu për vizitën që realizoi, duke përkujtuar se shteti turk është gjithnjë pranë myslimanëve të këtij vendi.

“Ai para opinionit dëshmoi se në mesin tonë kemi figuarën më të shquar të diplomacisë botërore, personalitetin më të dashur të botës islame i cili në vazhdimësi përkujdeset për fatin dhe çështjen e popullit mysliman gjithandej ku jetojnë, duke e lutur Allahun që ta bekon”, theksoi kreu i BFIM-së.
Ministri Davutoglu theksoi se populli turk gjithmonë do të jetë pranë popullit të këtij vendi në Maqedoni, pasi që ata jenë pjesë e trupit të përbashkët.

“Të gjithë juve ju konsiderojmë si një trup, kur dëgjojmë lajme të mira edhe ne gëzohemi dhe ndjehemi të qetë, në rast se ju dëmtoheni atëherë ndjejm shqetësim. Neve do të na keni mbështetje deri në kijamet. Turqia ka bashkëpunim të mirë me Maqedoninë dhe se një bashkëpunim të tillë do të kemi edhe në të ardhmen deri në ditën e fundit të kësaj bote. Falënderoi Reis ul Ulemanë për kontributin e dhënë në ruajtjen e trashëgimisë kulturore islame, nga fakti se çdo monument kulturo-historik që ruhet na përkujton parardhësit tanë”, deklaroi ministri turk.
Ministri Davutoglu përcolli falënderimet dhe përshëndetjet e kryetarit të Turqisë, Abdullah Gul, kryeministrit Rexhep Tajjip Erdogan dhe mbarë myslimavë të Turqisë.

Ata morën pjesë në rihapjen e Teqes Rifaije e cila daton që nga viti 1818. Davutoglu falënderoi Reis Ulemanë, Komunën e Çairit dhe Komunën e Bursës për bashkëpunimin dhe kooperimin që kanë pasur në renovimin dhe kthimin e origjinalitet të saj.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30