Mentor Thaqi:DHURATË KOLOSALE PËR KOMBIN NGA PROFESOR EQEREM ZENELAJ

nga **Agim Gashi** Tue Dec 25, 2012 11:14 pm

Mentor Thaqi:DHURATË KOLOSALE PËR KOMBIN NGA PROFESOR EQEREM ZENELAJ

Ekspozitë Vlerash

(nga zanafilla kombformuese deri te shtetbërja dhe shtetkalitja)

Në Muzeun Kombëtar vargu i gjatë sa vet rrjedha e Drinit dykrenorë apo edhe dytrupor arbëror i bërë Një, i njerëzve nga të katër anët e trojeve etnike dhe nga të katër anët e botës prisnin radhën për të mbushur sytë dhe shpirtin dashuri e krenari me armët e Kryetrimit tonë Gjergj Kastrioti - skënderbeu, që u sollen nga Vjena nergut për k´të 100 Vjetor Arbëror! Aty, në hyrje të ndërtesës, në një sallë të madhe ekspozonte dokumente, fotografi dhe shkrime të ndryshme që nga zanafilla e komblindjes e deri te rishtetbërja dhe shtetfuqizimi i sotëm nga i zellshmi shkenctar-gjurmues dhe krijues Profesor Eqerem Zenelaj.

Aty me disa tekste vlerësimesh, recensione dhe fjalëmbajtëse rreth ekspozitës po ballafaqohej edhe Profesor Muhamet Malaj, ishte vërtetë në vlug pune!

Dhe qe vërtetë një kënaqësi shumë e madhe të shihje, prekje e shijoje gjithë ato dokumente, ato perla të Historisë sonë, atë punë dhe mund mbi 17 vjeçar të Profesorit të shumënderuar Eqerem Zenelaj, njeriut që kaloi vite të tëra në muzetë më të njohura evropiane në zbardhje dhe ç´pluhrosje të atyre dokumentave me vlera të pallogaritshme historike, kombëtare, jetike! Profesori shumë modest, megjithatë, krenarinë dhe kënaqësinë nuk mund të ia fshehte as modestia e tij, qebesa atë krenari nuk e fshehnim as ne në fytyrat tona.

Dhe, vërtetë kishe se çfarë të shihje, thesare vlerash kombëtare, thesare këto që Profesori Zenelaj ia dhuroi Kombit në k´të 100 Vjetor të shenjtë arbëror, Dhuratë kjo e vlerave hyjnore për jetiken tonë dhe për tua thartuar buzëqeshjen cinike ironike shovenëve fçinjë që mundohen të vjedhin apo zhdukin gjurmët e Vlerave tona!

Ekspozita e bëri të veten, ishte punë e shkelqyer që vlerësohej drejt nga artbërësit, artdashësit, kulturbërësit e ruajtësit, historianë dhe në përgjithësi atdhetarë të devotshëm, sepse vërtetë vlerat kombëtare ishin aty.

Një shkëlqim të bukur dhe një kumbim të zërit të arsyes i dha vet moderimi (konferensialiteti) i ngjarjes promovuese nga Poeti-Artisti imvëlla Ragip Dragusha, që mrekullisht e moderoi atë ngjarje të bukur në prani edhe të Kryeministrit Berisha me bashkshorten, z. Lulzim Basha, z.V. Minarolli (ambasador), z.Profesor Ceka, z.Hafiz Gagica, nipit të Heroit Shaban Polluzha, dhe shumë personaliteteve të shquara kombëtare. Vetë fjala e tij përshëndetëse që e hartuam bashk (po e cekë për dashuri vëllazërore ndaj Ragipit e jo për mburrje), ishte një bukuri në vete metaforike që i bëri sy e veshë të pranishmët dhe u duartrokit me zemërgjerësi.

Ngjarja e bukur relaksoj shpirtërat tonë, qoftë si krijues, po edhe si atdhetarë dhe njerëz që kemi një Shpirtë të tërë vetëm për Shqipninë tonë as të vogel e as të madhe, veçse Shqipni Shqiptare!

Takimet dhe fotografitë e përbashkëta me personalitete kombëtare të politikës, shkencës, artit e pse jo edhe të vëllazërisë natyrore nga gjaku e ideali, ishin një kaptinë në vete që do tu mbesë të tjerëve pas nesh dhe ekspozita e nipit të Profesor Eqerem Zenelaj do të jetë e shumëfishuar nga materialet voluminoze historike kombëtare!

Ishte vërtetë një Ditë e Mbarë nga gjithë ajo mbarësi disaditore që për mua ato rreth 2000 kilometra rrugë me mundimet e veta, u kthyen në më pak se 2000 metra, harrova lodhje e mundim, harrova brengë e shqetësim, harrova edhe ndonjë hidhërim rasti, të paktën për momentin dhe mbi të gjitha fitova shumë më shumë AtDheDashuri, elan dhe vullnet, inspirim e fuqi vepruese, fitova një Ditë-Javë të paharruar në jetën time! Bekim nga Zoti o Shqipnia-Arbëria-Iliria ime! Ashtu kjoftë!

Mentor Thaqi VS., 25.12.2012

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30