Të gatshme të ndihmojmë sikur dikur

Të gatshme të ndihmojmë sikur dikur

Nga aktiviteti i grave të shoqatës “Ilirida” në Halmstadt të Suedisë

Këto janë fjalet dhe premtimet e grave të komunitet shqiptar në qytetin e Halmstadit në Suedi. Forumi i gruas në shoqatën "Ilirida" të Halmstadit ka organizuar një festim modest me rastin e Ditës së gruas me bashkombaset tona, të cilat krijuan një ambient hareje dhe gëzimi festiv të cilin e përshendeten edhe kryetari i posazgjedhur i shoqatës, Naser Zeqiri, me çrast u uroi festën dhe u shprehu mirënjohje për aktivitetet e tyre dhe gatishmërinë edhe në të ardhmen. Një fjalë falënderuese mbajti gjithashtu edhe nënkryetarja e posazgjedhur e shoqatës, Shqipe Koshi e cila i ftoi të pranishmet që të mos ngurojnë por të paraqiten edhe me këmbngulje për kontribut vendlindjes dhe të jenë më aktive në grupimin gjinor në nivel të shoqatës sonë. Jemi të përcaktuara që zëri ynë dhe veprimet tona të kenë jehonë dhe të radhitim suksese me aktivitetet tona, me kontributin tonë trojeve etnike kudo që paraqitet nevoja e tani është më se e domosdoshme. Në bingohalen e qytetit ishin grumbulluar më teper se 230 femra te cilat me pastaj filluan manifestimin me këngë e valle me përcjelljen e digjejt Krasniqi. Ishte edhe një çështje interesante ngase ato në manifestim kishin sjellë ushqime dhe specialitete të kuzhinës shqiptare në mënyrë vullnetare. Manifestimi zgjati për tri orë rresht me prgram festiv këndim, vallëzim dhe hare. Në fund të programit gratë u zotuan se janë të gatshme të kontribuojnë ku dhe kur të jetë nevoja dhe manifestimet tjera i uruan që të ketë sa më pak nevojë për ndihma çdokund në trojet tona. Ato grumbulluan një shumë të hollash prej 4.090 koronash suedeze në mënyrë që të dëshmohen se janë të gatshme që të gjitha shpenzimet t´i bartin vet por edhe ndihmat nuk do të mungojnë. Vetëm na ftoni dhe na lajmëroni ne do të ndihmojmë – thanë ato.

Islam Fejzullahu