Mentor Thaqi:MË LËNI TË ÇMALLEM

nga **Agim Gashi** Sat Feb 02, 2013 3:54 pm

Mentor Thaqi:MË LËNI TË ÇMALLEM
(Deçan, për padrejtësinë ndaj teje, protestoj!!!)

Ah, dëshirat e mia,
ju të llastuarat
bregut të LumBardhit
të lara,
të kuruara
në ujë Gushavci,
unë rob i juaj
në lëkurë të huaj?!
Jo jo, Zot, mos e thuaj!

Gështënjë pas gështënje,
pikloshet kokrra,
pishë pas pishe
deri ke vreshtat
n´Çéstë Lloqani,
një kalavesh rrush
që s´e kishte kush!

Kroseve pranverore
iu shkonte jehona,
gaz e këngë
mbresa në mëndje,
shkakton dhëmbje
nostalgji jona.

Dikurë
ec e mos truaj
atë karakoll të huaj
dhe ec e duaje
atë farë t´mallkuar
që na sulmoi n´zemër,
t´ndërroi edhe emër!

Eh eh, hije më hije
tufa fëmijësh
në lojëra fëmijërie

n´Pushimore,
atyre ditëve të bardha
unë shisja kumbulla, dardha,
bashk, thurnim ëndërra dashnie
për k´të Tokë Arbërore
me nuanca kënaqësie!

Nga aty
deri te Guri me bythë në ujë,
unë
tash ku të hy
o malli im
që m´bën të vuaj,
më thuaj!

Po sot
o ImZot,
ata Priftërinjë
që duken të zinjë
dhe iu thonë barinjë,
përse mbjellin urrejtje,
i shërbejnë lotit
e jo Zotit?!

Ah, Deçani im
me Shpirtë sa Bjeshka
të zjarrtë si eshka,
duket, keq të lodhën,
urrejtjen të mbollën
e ëndërrat t´i vodhën,
në emër të "Shëntërisë"
në hesapë të "qetësisë"
e n´shërbim t´shëmtisë!

Paj, Deçan,
ti më je i veçantë
me emrin që mbanë,
për të lartën Gjeravicë
e të madhen Sakrificë,
për t´pathyeshmen Qëndresë
e t´pamëdyshjen Besë,
rritë ndërgjegjen,
e din përgjegjen,
e bën me shpresë!

Jo jo, ato Toka tona,
heret as tevona
s´i merr dot zezona,
e thëm me bindje etike
në kundërshtim politike!

Gjykatë,
kujdes,
mos krijo shamatë,
as insinuatë,
përgjegjësinë
sherrgjatë

vet do e merr,
pasha njatë Besë!
Kujdes!

Mentor Thaqi VS., 01.02.2013

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30