Fjala e Artan Abrashit në marshin protestues "Prandaj për ta, vetëm dorëheqja nuk mjafton!"

nga **Agim Gashi** Tue Mar 05, 2013 8:59 pm

Fjala e Artan Abrashit në marshin protestues "Prandaj për ta, vetëm dorëheqja nuk
mjafton!"

Të nderuar pjesëmarrës të kësaj proteste

Sot gjendemi përballë vendit i cili është dashur të jetë institucion ku realizohen dhe mbrohen interesat tona qytetare. Ndodhemi përballë kuvendit komunal të Prizrenit. Parimisht është dashur të jetë instanca më e afërt e pushtetit me qytetarët dhe në shërbim të tyre.
Në realitet ndodhemi para një objekti cili tashmë simbolizon pushtetin e njësuar me krimin.

Gjatë këtyre dy mandateve të qeverisjes së PDK-së në Prizren, ky objekt ka shpërfaqur pamjen e një pushteti antiqytetar, antidemokratik dhe një pushteti i cili është në shërbim të apetiteve egoiste të njerëzve që nuk dinë të ngopen.
Qytetarë të nderuar, kjo garniturë politike, duke e emëruar Prizrenin me emra biblik si “kryeqytet shpirtëror i yni”, “Jerusalemi i PDK-së” etj., dhe në anën tjetër duke e mirëmbajtur vazhdimisht një qeveri kriminale kundër qytetarit - për llogari klanore, e tëra që kanë bërë gjatë këtyre viteve në Prizren është ndërtimi i parajsës së tyre vetjake duke ua bërë qytetarëve jetën ferr!
Në kushte ku gjendja e rëndë ekonomike vazhdon ta varfëroj qytetarin e Prizrenit, në kushte ku mbi 45 për qind e qytetarëve të aftë për punë nuk mund të punësohen, në kushte kur i vetmi burim i të ardhurave për shumë qytetarë ka mbetur tygjarllëku dhe bastorja , njerëz të pushtetit sikurse Nijazi Kyreziu, Nexhat Çoçaj dhe shumë bashkëpartiakë të tyre, nga rastet sociale, brenda 2 mandateve u bënë pasanikë, në kurriz të qytetarëve të varfër.
Këta njerëz që në zgjedhje vjedhin votën tonë, në mandat qeverisës vjedhin paratë tona dhe me qëndrimin e tyre në pushtet vjedhin të ardhmen tonë, nuk mund më të tolerohen.
Ngritja e aktakuzës së fundit ndaj kryetarit Ramadan Muja dhe zyrtarëve të tjerë si dhe ngritja e aktakuzave të mëhershme ndaj drejtorëve të qeverisë lokale dhe nënpunësve të tjerë të administratës, tashmë këtë pushtet e kanë bërë jo legjitim për ta qeverisur komunën e Prizrenit.

Prandaj sot ne qytetarët e pakënaqur të Prizrenit,

Kërkojmë dorëheqjen menjëhershme të kryetarit të komunës dhe dënimin e tij për të gjitha dëmet që ia ka shkaktuar.
Kërkojmë nga organet e drejtësisë fillimin e hetimeve për të gjitha rastet e dyshimta në të gjitha drejtoritë e kësaj qeverisje komunale dhe marrjen e masave ligjore ndaj tyre.
Si dhe kërkojmë nga Kuvendi i Republikës së Kosovës themelimin e një komisioni hetimor për hetim parlamentar të veprimtarisë së deritanishme të komunës së Prizrenit.

Prandaj, vetëm dorëheqja nuk mjafton. Ju faleminderit.

Prizren, 5 mars 2013
Fjala e Artan Abrashit në marshin protestues "Prandaj për ta, vetëm dorëheqja nuk mjafton!" 559720_10151279672677000_475554170_n

Fjala e Artan Abrashit në marshin protestues "Prandaj për ta, vetëm dorëheqja nuk mjafton!" 559720_10151279672677000_475554170_n

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30