Kurti: Jemi bllokuar në marshin tonë paqësor

nga **Agim Gashi** Sun Jan 22, 2012 7:12 pm

Kurti: Jemi bllokuar në marshin tonë paqësor

Vazhdon protesta e “Vetëvendosjes” rrugës për në Merdarë. Aktivistët protestues, janë ndaluar nga policia në vendin e quajtur “Dy urat” në dalje të Podujevës, përtej kryqëzimit ku kishin ndodhur përplasjet e javës së kaluar. Protestën po e vëzhgon nga afër edhe diplomati amerikan William Walker
Kurti: Jemi bllokuar në marshin tonë paqësor Albini-BF4A-9048598

Kurti: Jemi bllokuar në marshin tonë paqësor Albini-BF4A-9048598

“Neve tashmë na ka penguar policia në marshin tonë paqësor. Policia është dashur të na lejojë neve rrugëtimin e mëtutjeshëm deri në afërsi të pikës në Merdare dhe qëllimi ynë nuk është që t’i bllokojmë qytetarët, por ta pengojmë Serbinë”, ka thënë lideri i Lëvizjes Vetëvendosje, Albin Kurti, i cili bashkë me deputetë e aktivistë të tjerë gjenden në mesin e turmës në Podujevë.

(I plotësuar) - Lideri i Lëvizjes Vetëvendosje, Albin Kurti ka thënë se protestuesit e tij janë bllokuar nga Policia. “Filluam me marshin tonë paqësor, por u bllokuam në dale je të qytetit të Besianës nag një kordon i Policisë që kishte marrë urdhër nga Qeveria e Kosovës. Jemi bllokuar në marshin tonë paqësor. Nuk jemi kundër Policisë, por jemi kundër Serbisë”, ka thënë Kurti. Ai ka shtuar se prej se ka filluar protesta jonë paqësore, Serboia nuk ka kaluar.

Gjendja e qetë tek Dheu i Bardhë

Protestuesit vazhdojnë të qëndrojnë të qetë tek pika kufitare Dheu i Bardhë. Aktualisht në këtë vend protestuesit kanë kthyer prapa një makinë me targa serbe, e cila tentoi që të kalonte andej.

Protestuesit janë duke qëndruar afër pikës kufitare tek Dheu i Bardhë, respektivisht te udhëkryqi në Karaqevë. Deri tani nuk ka kaluar ndonjë maune me mallra serbe, kurse është kthyer prapa një makinë me targa serbe.

Aktualisht me protestuesit përveç deputetëve, Glauk Konjufca, Visar Ymeri e Liburn Aliu është bashkuar edhe njëri nga nismëtarët e UÇK-së tani deputet i Vetëvendosjes në Kuvendin e Kosovës, Rexhep Selimi.

Drejtuesit e Vetëvendosje herë pas here thirrje që qytetarët mos të bien pre e ndonjë provokimi dhe të protestojnë në mënyrë të qetë. Edhe më tutje protestuesit brohorasin “Serbia nuk kalon - Vetëvendosje e ndalon”.

Njësitet speciale të Policisë së Kosovës janë duke qëndruar afër protestuesve dhe janë në gjendje gatishmërie, por deri tani nuk ka pasur ndonjë ndërhyrje prej tyre.

Qytetarë të shumtë po vazhdojnë protestën e tyre në vendin e quajtur “Dy urat” në dalje të Podujevës. Deri tani nuk ka pasur asnjë incident, kurse protestuesit kanë lejuar të kaloj një kamion me targa të Maqedonisë.

Nuk ka ende ndryshim të situatës në protestën në Podujevë. Protestuesit janë në pikën e njëjtë dhe po qëndrojnë përballë policisë. Ata nuk kanë tentuar të ecin përpara, kurse nuk po pengojnë as qarkullimin e mjeteve.

Deri tani nuk ka pasur ndonjë tentim për t’u futur ndonjë makinë me targa serbe, kurse një kamion me targa të Maqedonisë ka kaluar pa problem.

Nënkryetari i Vetëvendosjes, Shpend Ahmeti tha se protesta nuk ka për qëllim bllokimin e automjeteve dhe mallrave të shteteve që kanë njohur Kosovën, por vetëm mallrat serbe.

Deputeti Florin Krasniqi duke iu drejtuar protestuesve në Merdar ka thënë se ashtu siç ka paralajmëruar Lëvizja VETËVENDOSJE! protesta do të jetë plotësisht paqësore dhe nëse ka "individë që nuk duan të jenë paqësorë ata nuk janë me ne".

"Këta policë janë vëllezërit tanë dhe gabimet që i kanë bërë disa kolegë të tyre, nuk do t’i bëjnë sepse nuk janë policë të qeverisë por të shtetit të Kosovë", tha Krasniqi.

Një maune me mallra është futur para pak minutash në Kosovë, nëpërmjet pikës kufitare tek Dheu i Bardhë. Televizionet e Kosovës kanë sjell pamje të maunes tek kalonte në pikën kufitare, e ndërkohë po shkonte drejt terminalit doganor. Pritet të shihet se cili do të jetë reagimi i protestuesve kur maunja të afrohet tek vendi ku është i bllokuar.

Kurti: Jemi bllokuar në marshin tonë paqësor Woker-merda-bs

Kurti: Jemi bllokuar në marshin tonë paqësor Woker-merda-bs

Wiliam Walker: Jam këtu si verifikues

Ish-ambasadori i OSBE-së në Kosovë, shefi i Misionit të OSBE së në Kosovë, William Walker është po ashtu pjesë e protestës së sotme të Vetëvendosjes. Ai po qëndron në Merdare në shoqëri të liderëve të vetëvendosjes.
“Jam këtu, ashtu sikur para 12 vjetësh, për të parë vetë dhe verifikuar se çka po ndodh me ketë protestë sot. Nuk isha këtu javën e kaluar, për te cilën kam dëgjuar versione te ndryshme, një rrëfim nga Qeveria e një tjetër nga organizatoret e protestës, prandaj erdha për te pare vete se a është një proteste paqësore dhe reagimin e policisë. Jam si verifikues, ashtu sikur isha para 12 vjetësh, me pëlqen ta quaj edhe sot veten kështu. Unë thjeshte dua ta di për veten time se çka është duke ndodhur. Deri me tash nuk kam pare dhune, natyrisht po shoh shume njerëz, te cilët besoj se kane te drejtën legjitime për te protestuar, gjithashtu police që kane te drejtën e tyre për t’i kontrolluar këto rruge. Unë sinqerisht besoj në të drejtën qytetare për të protestuar.

Aktivistë të Vetëvendosjes kanë filluar mobilizimin dhe përgatitjet që të qëndrojnë më gjatë në protestën e sotme. Mësohet se protestuesit kanë filluar të pajisen me batanije dhe gjër tjera që iu duhen për të qëndruar edhe më gjatë në protestë.
Policia ka njoftuar se situata deri në këto momente është e qetë dhe se protestuesit po protestojnë të qetë.
“Njëra krosi është e lirë për qarkullim, mirëpo deri më tani nuk ka pasur qarkullim. Nuk ka pasur asnjë kalim të mauneve”, ka thënë Baki Kelani, zëdhënës i Policisë, në një intervistë për RTK-në.

Lideri i Lëvizjes Vetëvendosje ka thënë se përkundër akuzave dhe sulmeve të ulëta të Qeverisë së Kosovës, qytetarët erdhën edhe më masovisht në protestën e 22 janarit.

“Siç po shihni Policia me urdhrin e Qeverisë së Kosovës, është ajo që ka bllokuar lirinë e lëvizjes dhe qarkullimin e lirë. Ne jemi kundër Serbisë, jo kundër Policisë së Kosovës. Ne jemi në mbrojtje të Republikës dhe prodhimit vendor”, tha Kurti.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30