"Rasti Kleqka", dëshmitari "A" është Sokol Dobruna, dënoi Blerim Kuçin me pushkatim

nga **Agim Gashi** Tue Apr 23, 2013 8:19 pm

"Rasti Kleqka", dëshmitari "A" është Sokol Dobruna, dënoi Blerim Kuçin me pushkatim

Në Gjykatën Themelore në Prishtinë, konkretisht në sallën e improvizuar në “Kinemanë ABC 1” është duke vazhduar rigjykimi ndaj ish-komandantit të Ushtrisë Çlirimtare të Kosovës, Fatmir Limajt dhe nëntë bashkëluftëtarëve të tij, i njohur si rasti “Kleçka”. Në këtë seancë, para trupit gjykues po e jep dëshminë e tij dëshmitari me shifrën “A”, i cili që në fillim ka thënë se nuk pranon të jetë dëshmitar i prokurorisë.
Dëshmitari, i njohur deri më tash me shifrën “A”, sot me vet dëshirë e ka bërë të ditur identitetin e tij. Sokol Dobruna, i ngarkuar nga Shtabi i Përgjithshëm i Ushtrisë Çlirimtare të Kosovës.
Sipas tij, Blerim Kuçi ka qenë i burgosur nën arsyetimin për dezertim, rastin e të cilit Dobruna ka thënë se e ka gjykuar vet dhe vendimi për këtë rast ka qenë me pushkatim.
Ai ka thënë se ky vendim erdhi si pasojë e dezertimit të Kuçit e që për pasojë ka pasur shpërbërjen e një brigade të tërë të UÇK-së pasi që Blerim Kuçi ishte komandant brigade.
Ai para trupit gjykues ka dëshmuar në cilësinë e shefit të shërbimit juridik, i cili theksoi se në kuadër të shtabit të përgjithshëm, në themelim e sipër ka qenë edhe Gjykata Ushtarake.
Dobruna tha se qëllimi i themelimit të Gjykatës Ushtarake ishte që Ushtria Çlirimtare e Kosovës t`i respektonte ligjet e luftës.
Ai i është përgjigjur një varg pyetjesh të parashtruara nga prokurori i rastit, Mauricio Salustro, rreth funksionit dhe aktiviteteve të Gjykatës Ushtarake, që sipas Dobrunës ka qenë në themelim e sipër.
Dëshmitari tha se gjatë kohës sa ishte në teren kishte qëndruar edhe në Kleçkë.
“Dëshmitari “A” është njëri prej tetë dëshmitarëve që mbrojtja ka kërkuar të dëshmojë në rigjykimin e rastit ‘Kleçka’. Ndërkohë pala mbrojtëse pret nga të gjithë dëshmitarët ta thonë vetëm të vërtetën.
http://www.botasot.info/kosova/221159/quot-rasti-kleqka-quot-deshmitari-quot-a-quot-eshte-sokol-dobruna-denoi-blerim-kucin-me-pushkatim/

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30