Mentor Thaqi:NGA TAKIMI POETIK "AZEM SHKRELI", REPORTAZH I SHKURTËR

nga **Agim Gashi** Mon Jun 03, 2013 12:03 pm

Mentor Thaqi:NGA TAKIMI POETIK "AZEM SHKRELI", REPORTAZH I SHKURTËR

TRADITË NË VAZHDIM

Të Shtunën, me 01 qershor, në Ennepetal të Gjermanisë, u mbajt Takimi Letrar Tradicional në nderim dhe përkujtim të Kolosit të letrave shqipe me të njëjtin emër "AZEM SHKRELI" në bashkorganizim të Familjes Shkreli dhe Lidhjes së Shkrimtarëve, Artistëve e Krijuesve Shqiptarë në Gjermani. Me këtë rast u dhanë shpërblimet vjetore për tre vendet e para, për librat më të vlerësuar nga krijuesit mërgimtarë gjatë vitit paraprak. Këtë eveniment kulturor e pëcolli edhe Radio Televizioni i Kosovës.

Salla e bukur, e kompletuar teknikisht me hapsira të mjaftueshme për zhvillim aktiviteti dedikues poetik-kulturor, pjesëmarrje e shkelqyer artbërësish dhe artdashësish që edhe mbi njëmijë kilometra (mbi 1000 km) udhëtim një drejtimësh bënë që ti japin shkëlqim artistik dhe kombëtar kësaj ngjarjeje madhështore.
Se e duan nderimin për Njerëzit e Kombit dhe Kulturës Kombëtare, mërgimtarët tonë, artbërës dhe artdashës e kanë dëshmuar dhe po e dëshmojnë çdo ditë me pjesëmarrjen dhe kontributin e tyre në shumë forma.

Madhështinë Takimit ia shtoi pjesëmarrja e krijuesve jashtë shtetit Gjerman, si nga Finlanda, poetja e nderuar Silvana Berki, nga Zvicra, poeti i nderuar Brahim Avdyli, nga Ferizaji krijuesja e nderuar Qëndresë Halili, Klubi Letrar "Tafil Kelmendi" nga Malisheva me disa poet përfaqësues, Shoqata e Shkrimtarëve "Naim Frashëri" nga Fushë Kosova, një kolorit dhe shpirtë të vërtetë gjallërie kulturore i dhanë nxënësit e shkollës shqipe në Viersen me mësimdhënësin e shkelqyer Adem Shala që me këngën e bukur dhe vallet burimore i bënë pjesë vallëzimi të pranishmët!

Takimi, një formë bashkëbisedimi në moderim artistik përmes treshes së poetëve: Mentor Thaqi, Gonxhe Letmi-Begisholli dhe Muhamet Luma, filloi me këngën nga vargjet e Azem Shkrelit "KANGË E TURPSHME" interpretuar nga Aurela Gaçe, pasuar nga një material videor nga veprimtaria e Azem Shkrelit krijues dhe veprimtar i Kombit! Fjala përshëndetëse e Kryetarit të LSHAKSH z. Hasan Qyqalla e praprirë nga një recitim të poezisë "Dritiramb" nga Azem Shkreli, një shpalosje tekstuale nga jeta dhe vepra e poetit Shkreli nga një mik dhe bashkkrijues z. Martin Çuni (Kryetar Nderi i LSHAKSH), interpretime të këndëshme artistike-muzikore nga artistët tonë të nderuar, Driton Gashi (me kitarë) dhe Agim Gashi (me sharki), recitimi i bukur nga nxënësja bukuroshe të vjershës "Lule Bozhuri" simpatikës Anisa Mulolli dhe lexime e recitime të vargjeve nga poete dhe poetë të nderuar: Qëndresë Halili, Marigona Bellaina, Çerkin Bytyqi, Silvana Berki, Gonxhe Letmi-Begisholli, Shaban Cakolli, Sadri Gashi, Sevëme Fetiqi, Fran Tanushi, Muhamet Luma, Izet Shala, Mehdi Krasniqi, Selajdin Gashi dhe Mentor Thaqi.

Takimi, një vazhdimësi tradicionale, çdo vit shpërblen tre vendet e para për librat më të mirë të vitit të botuara nga krijues mërgimtarë. Këtë vit, vlerësuar nga një juri treshe e pavarur në përbërje nga Avni Alija, Lekë Preçi dhe Arsim Halili, u shpërblyen: Z. Silvana Berki me vëllimin Poetik "PRELUDE", nga Finlanda Shpërblimi i parë; Z. Sevëme Fetiqi nga Gjermania me vëllimin Poetik "Imazhe të ringjallura" dhe Z. Mëhill Velaj nga Amerika me përmbledhjen me tregime "Unë e solla Doruntinën" shpërblimi i dytë si dhe z. Brahim Avdyli nga Zvicra me vëllimin Poetik " Qielli i paprekur" që u nderua me shpërblimin e tretë, ndërkaq këtë vit për herë tëparë u nda edhe "ÇMIMI I JURISË" që u vlerësua Albumi Poetik "Një shekull dritë" (100 poezi nga 100 Poet nga mërgata), përgatitur Z. Hasan Qyqalla, gjersa Shpërblimet i ndau i biri i Poetit, Valon Shkreli!

Si çdo herë edhe kësaj radhe nuk munguan as mirënjohjet simbolike në nderim të personaliteteve të artit, kulturës dhe atdhetarisë. Me Mirënjohje u nderuan: Rapsodi e veprimtari ynë i njohur Z. Agim Gashi, Shkolla Shqipe në (Viersen) Firzen me arsimtarin e zellshëm Z. Adem Shala, Shkrimtarja e re Z. Qëndresë Halili, Klubi i Shkrimtarëve "Tafil Kelmendi" nga Malisheva, Shoqata Humanitare "Lichtblick" nga (Würselen) Vyrzelen me kryetar Z. Ismet Mehmetaj. U ndanë gjithashtu nga z. Avdi Fejza në emër të Shoqatës Atdhetare "Kosova" në Olsberg dy Mirënjohje, z. Martin Çuni për veprimtari jetësore dhe LSHAKSH në Gjermani për aktivitet kulturor kombëtar!

Në pjesën e dytë, sipas Skenarit, u bënë edhe këto promovime titujsh të rinjë: Martin Çuni: referoi Dibran Demaku, të
Mehdi Krasniqi: "Gjurmët"- referoi Izet Shala
Avni Bellaina: "Me valët e universit" - referoi Shaban Cakolli,
Fran Tanushit: "Ishulli im" - referoi Hasan Qyqalla
Hasan Qyqalla: "Buzëqeshje e trishtë"- referoi Avni Alija.

Programi u përmbyll me këngën e bukur shqipe në interpretim të artistit Agim Gashi, një ëmbëlsi që lën shijen e vazhdimësisë. Epo, ecim tutje drejt takimeve të radhës. Duam dhe përpiqemi të ruajm frymimin tonë shqip, qëndrimin në ecjen tonë vertikale kombëtare. Takimi u vlerësua i realizuar dhe udhëhequr mirë nga të pranishmët, gjë kjo që shton vullnetin dhe vendosmërinë tonë në pasurimin e kulturës sonë me vepra dhe ngjarje tjera kulturore!

Për LSHAKSH në Gjermani,
Mentor Thaqi - Nënkryetar
VS., 02.06.2013

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30