Krasniqi:PDK pati 1001 mundësi të qeverisë mirë, por ka qeverisur keq

nga **Agim Gashi** Sat Jun 08, 2013 11:31 am

Krasniqi:PDK pati 1001 mundësi të qeverisë mirë, por ka qeverisur keq

Kryetari i Kuvendit të Kosovës, Jakup Krasniqi i është përgjigjur, siç thotë ai disa miqve të tij të cilët po brengosën për fatin e tij në PDK. Ai për këtë ka shfrytëzuar rrjetin social facebook.
Më poshtë mund të lexoni letrën e tij.
Nëse njerëzve nuk ju dhimbset atdheu, kombi dhe pasuria e tij, dinjiteti i njerëzve dhe perspektiva e fëmijëve të tij, nuk kanë asnjë arsyeje të ndjejn dhimbje për fatin tim, të cilin kurrën e kurrës nuk e kam vërë mbi fatin apo para fatit të kombit tim. Me njerëzit e mirë të Partisë Demokratike as kam e as kam pasur ndonjë problem, unë besoj në vullnetin e mirë të njerëzve të Kosovës, në njerëzit që i kanë qëndruar besnik asaj.
Unë nuk pajtohëm me mënyrën si drejtohet partia dhe qeveriset vendi në emër të saj. Këtë e kam bërë publike dhe nuk jam penduar e as pendohëm. PDK i ka pasur 1001 mundësi të qeveriste më mirë gjatë këtyre mandateve, por me qellim e për interesa tepër të ngushta është qeverisur keq, madje tepër keq. A do hupi unë pak ka rendësi nëse fiton Kosova dhe populli i saj. Shumë breza atdhetaresh është dashur të humbin për të mbajtur gjallë iden e atdhedashurisë.
Unë dhe shokët e mi po përpiqemi ta mbajmë gjallë frymën e demokracisë e të shtetit ligjor. Për të bërë shtetin ligjor, Kosovës i duhen ndryshime rrënjësore. Pra dikush duhet t'ia nisë edhe me kushtin e humbjes. Pa humbje nuk ka fitore, kujtoni rrugën tonë deri të pavarësia!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30