Sefedin Krasniqi:DONIKA QË I TËRBOI ENVERISTËT , I TRAZOI ZYRTARËT E QEVERISË THAÇI E I ÇMENDI UDB-ashët

nga **Agim Gashi** Sat Jan 18, 2014 11:34 pm

DONIKA QË I TËRBOI ENVERISTËT , I TRAZOI ZYRTARËT E QEVERISË THAÇI E I ÇMENDI UDB-ashët

Sefedin Krasniqi:DONIKA QË I TËRBOI ENVERISTËT , I TRAZOI ZYRTARËT E QEVERISË THAÇI E I ÇMENDI UDB-ashët Sef_krasniqi-264x300

Sefedin Krasniqi:DONIKA QË I TËRBOI ENVERISTËT , I TRAZOI ZYRTARËT E QEVERISË THAÇI E I ÇMENDI UDB-ashët Sef_krasniqi-264x300

Nga Sefedin Krasniqi

Shumëkush e ka njohur Donika Gërvallën si bijën e urtë të Jusuf Gërvallës. Në politikë e kemi njohur si përfaqësues më e denjë e LDK në Diasporë dhe bashkëpunëtore e ngushtë e Presidentit Rugova. Nuk dihet pse gjithë këto vite ka qenë aq pak e pranishme në mediat e Kosovës, sidomos pas çlirimit. Nuk ka dashur apo nuk e kanë dashur sulltanët e rinj të Kosovës, që dolën nga shpellat për t’u akomoduar në pallate me pishina. Le të mbetet çështje spekulimesh!… Pas intervistës në Rubikon, askush nuk po e identifikon më si Donika Gërvalla, por vetëm si Donika dhe të gjithë po e kuptojnë se për cilin person është fjala. Pra, me të nisur biseën njerëzit po pyesin; ” a ndjeve çka tha Donika, mirë ua bëri Donika, i koriti Donika, ua mori fytyrën Donika”, etj.

Donika pra, me intervistën e saj diti t’i tërbojë enveristët e Kosovës, trazoi Qeverinë Thaçi dhe çmendi UDB-ashët shqiptarë. Të mjerët, ende pa mbaruar mirë emisioni, si të parët, si të dytët, si të tretët filluan me zhurmë e piskamë t’ia drejtojnë shigjetat me maje të mprehta e me helm. Kjo zgjati vetëm një ditë, ditën e dytë filluan t’i zbusin, të shohim ditët në vazhdim kush do të bie hero duke gjuajtur me shigjeta Donikën, fare pa nevojë.

Donika tha, pikërisht atë që duhet thënë dhe e “keqja” është se ua tha në fytyrë duke i “pështyrë” në lule të ballit të gjithë “princat” e klasës politike të Kosovës. Donika ua bëri gjyqin në sy të publikut shqiptar, pasi as policia, as prokuroria as gjyqësia e Kosovës nuk po guxon t’iu del përpara maskarenjve të Kosovës. Atyre që e kanë bërë Kosovën sikur leckë e çizmeve të minatorit!

Pas fjalëve të saj, jo vetëm atyre që kushtimisht kanë pasur gisht apo pa dyshim kanë pasur gisht në vrasjen e vëllezërve Gërvalla dhe Kadri Zeka, filloi t’iu dridhet stoli dhe dheu nën këmbë, por edhe atyre që vranë Ali Ukën, Kolonel Ahmet Krasniqin, Tahir Zemajn, Enver Malokun, Xhemjal Mustafën, Smajl Hajdarin, Shaban Manajn, Besim Dajakun, Bekim Kastratin e shumë të tjerë që SHIK i vrau para, gjatë dhe pas luftës! Që Kosova të shkojë përpara, asaj i duhen shumë Donika, që do t’i ndalnin kriminelët dhe bosët e krimit të organizuar, që do t’i zbardhnin të gjitha krimet dhe që do ta hartonin dhe aprovonin LIGJIN e LUSTRIMIT, të cilit do duhet t’i nënshtrohet e gjithë popullata pa dallim. Kush çka ka bërë le të dihet dhe shihet nga prindërit, nga vëllezërit, nga motrat, nga fëmijët, nga gjithë fare fisi dhe në fund nga gjithë bota.

Në fund, të gjithë ata që u ngritën aq me ngulm për ta goditur Donikën dihet se ia kanë frikën dhe ajo mund të flej e qetë edhe pse një mik i imi më tha; ” po kam frikë për Donikën, se këta janë qen të mëdhenj”!

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31