Lajme nga Kuvendi i Kosovës

Kuvendi nuk debaton për protokollin, shmang përgjegjësinë

Shqipe Osmani, Bota Sot
Vazhdojnë kundërshtimet për protokollet EULEX-Serbi

Pavarësisht deklarimeve të udhëheqësve institucional të vendit se çështja e protokollit është kapitull i mbyllur, bisedimet rreth kësaj çështje po vazhdojnë madje me intensitet të shtuar prapa kuintave. Ndërkohë, qëndrimi i institucioneve edhe më tutje mbetet, sipas deklarimeve po ai i bërë publik, Jo protokollit me Serbinë.
Nënshkrimi i protokollit është përkrahur nga Presidenca e BE-së, por sipas drejtuesve të institucioneve të Kosovës, presioni dhe shqetësimet po vazhdojnë të përballen. Sipas vlerësimit të qeverisë dhe të komisioneve përkatëse të Kuvendit, protokolli rrezikon sovranitetin e vendit. Çështja e protokollit vlerësohet shqetësuese nga të gjitha nivelet institucionale, por se nuk mendohet kjo çështje do të duhet të debatohet nga Kuvendi.
Opozita ka kohë që çdo ditë në media hedh rrufeshëm shigjeta goditëse ndaj institucioneve për çështjen e protokollit, por ajo as që ka bërë asnjë hap të vetëm që çështjen të paktën ta dërgojë në Kuvend, i cili është institucioni kryesor në Kosovë, sipas Kushtetutës së vendit.

Fillojnë me lirinë e mediave






Nga Express

Në seancën e parë të sesionit vjeshtor të Kuvendit të Kosovës, më 17 shtator, deputetët do të debatojnë për lirinë e medias në Kosovë. Kështu është vendosur të martën në mbledhjen e Kryesisë së Kuvendit me shefat e grupeve parlamentare pas kërkesës së bërë nga 11 deputetë.

Zyrtarë të Kuvendit nuk presin që kjo pikë të fillojë qysh në ditën e parë, pasi që është vendosur si pikë e fundit e rendit të ditës. Si pikë e parë e parë e rendit të ditës të kësaj seance do të jenë pyetjet parlamentare për punën e Qeverisë së Kosovës, për të proceduar pastaj me projektligjet.

Kryesia ka vendosur në shqyrtim të parë Projektligjin për Qeverinë e Republikës së Kosovës, atë për Shërbimin Civil të Republikës së Kosovës dhe Projektligjit për Pagat e Nëpunësve Civilë, projektligje këto të tërhequra nga Qeveria e Kosovës në seancën e 28 majit të këtij viti për konsultime me faktorë ndërkombëtarë për koston financiare të implementimit të tyre.

Gjithashtu për herë të parë do të shqyrtohet edhe Projektligji për Turizmin dhe Shërbimet Turistike. Ndërsa për herë të dytë do të shqyrtohen Projektligji nr. 03/L-128 për Auditimin e Brendshëm, Projektligji për Ruajtjen e Rendit dhe të Qetësisë Publike, si dhe Projektligji për Armët.

Në të njëjtën seancë do të shqyrtohet propozimi i Qeverisë së Kosovës për emërimin e anëtarëve të Bordit të Autoritetit Rregullativ të Telekomunikacionit. Në mbledhje anëtarët e Kryesisë janë njoftuar me komentin e deputetit Naim Rrustemi lidhur me konfliktin e interesit të deputetit. Ata janë njoftuar edhe me vendimin e deputetit Vladimir Todorovic për t’iu bashkëngjitur Grupit Parlamentar të SLS’së dhe për kalimin e deputetit Shkumbin Demaliaj nga Grupi Parlamentar i AKR’së në Grupin Parlamentar të AAK-së.

Krasniqi: Protokolli për faj të EULEX-it, Presidencës dhe Qeverisë




Në mbledhjen e së martës të Kryesisë së Kuvendit të Kosovës, kreyparlamentari Jakup Krasniqi, përveç EULEX-it, i bën përgjegjëse edhe institucionet e Kosovës për çështjen e protokollit. Pas mbledhjes, për çështjen e protokollit kryetari Krasniqi edhe një here përsëriti se fajtor të për krijimin e kësaj gjendje janë vetë institucionet e Kosovës, duke përmendur këtu Qeverinë dhe Presidencën, por duke mos anashkaluar as EULEX-in.

“Konsideroj se nuk është menaxhuar mirë kjo çështje nga të dyja palët”, tha Krasniqi pas takimit të përbashkët kryesisë së Kuvendit dhe shefave të grupeve parlamentare, në të cilën nuk është shqyrtuar çështja e protokollit për mungesë të kërkesës së deputetëve.

Ndryshe, Kryesia ka vendosur që në seancën e parë vjeshtore e Kuvendit të Kosovës, pas pushimit, e cila do të mbahet më 17 shtator, pikë e parë e rendit të ditës të jenë pyetjet parlamentare për punën e Qeverisë së Kosovës, për të proceduar pastaj me projektligjet.

Do të shqyrtohen për herë të parë: Projektligji për Qeverinë e Republikës së Kosovës, ai për Shërbimin Civil të Republikës së Kosovës dhe Projektligjit për pagat e nëpunësve civilë, projektligje këto të tërhequra nga Qeveria e Kosovës në seancën e 28 majit të këtij viti (për konsultime me faktorë ndërkombëtarë për koston financiare të implementimit të tyre). Po për herë të parë do të shqyrtohet edhe Projektligji për turizmin dhe shërbimet turistike. Për herë të dytë, ndërkaq, do të shqyrtohen: Projektligji nr. 03/L-128 për auditimin e brendshëm, Projektligji për ruajtjen e rendit dhe të qetësisë publike, si dhe Projektligji për armët.

Në të njëjtën seancë do të shqyrtohet propozimi i Qeverisë së Kosovës për emërimin e anëtarëve të Bordit të Autoritetit Rregullativ të Telekomunikacionit. Kryesia ka vendosur që si pikë e fundit e seancës së 17 shtatorit të jetë debati lidhur me lirinë e medies në Kosovë (sipas kërkesës së grupit prej njëmbëdhjetë deputetësh).

Në mbledhjen e sotme anëtarët e Kryesisë janë njoftuar me komentin e deputetit Naim Rrustemi lidhur me konfliktin e interesit të deputetit. Ata janë njoftuar edhe me vendimin e deputetit Vladimir Todoroviq për t’iu bashkëngjitur Grupit Parlamentar të SLS-së dhe për kalimin e deputetit Shkumbin Demaliaj nga Grupi Parlamentar i AKR-së në Grupin Parlamentar të AAK-së. (rtk)

Kuvendi fillon sesionin vjeshtor

Kuvendi nuk shqyrton asnjërin prej projektligjeve të paralajmëruara në sesionin e fundit.




Kuvendi i Kosovës



Kuvendi i Kosovës nisi sesionin vjeshtor, duke hequr nga rendi i ditës të gjitha pikat më të rëndësishme të paralajmëruara për seancën e sotme. Me shumicë votash u hoqën nga rendi i ditës Projektligji për qeverinë, Projektligji për shërbimin civil dhe Projektligji për pagat e nëpunësve civilë. Nga rendi i ditës u hoq edhe debati për lirinë e mediave.
Të privuar nga komoditeti që kanë në sallën e Kuvendit të Kosovës, për shkak të rinovimeve të sallës, deputetët nisën sesionin vjeshtor në sallën e Kuvendit Komunal të Prishtinës. Kjo ndoshta ndikoi edhe në propozimet e njëpasnjëshme për heqjen e pikave të rendit të ditës, por edhe tërheqjen e disa pyetjeve parlamentare.
Ishte fillimisht, deputeti Emrush Xhemajli, pastaj grupi parlamentar i LDD-së, si dhe ai i LDK-së që kërkuan heqjen nga rendi i ditës të tri pikave më të rëndësishme.
Sabri Hamiti nga Lidhja Demokratike tha se projektligjet: për qeverinë, ai për shërbimin civil dhe projektligji për pagat e nëpunësve civil duhet të shqyrtohen bashkë me projektligjin për deputetë.
Kryeparlamentari Jakup Krasniqin ndërkaq tha se kërkesa për ndryshim të rendit të ditës është dashur të bëhet në Kryesinë e Kuvendit.
Por, ka qenë kryeministri Hashim Thaçi i cili propozoi në emër të Qeverisë të tërhiqen këto projektligje, gjë që u vendos më pas gjatë votimit në Kuvend.
Pas vazhdimit të rregullt të seancës, u paraqit edhe një kërkesë për ndryshim të rendit të ditës.
Donika Kada Bujupi nga AAK-ja kërkoi heqjen e pikës së rendit të ditës për debatin rreth lirisë e mediave, me arsyetimin që kjo çështje të diskutohet në një seancë të tjetër, si pikë e veçantë.
Pas votimit deputetët vazhduan me pyetjet parlamentare ndërkaq në rend ditë janë edhe Projektligji për armët, Projektligji për ruajtjen e rendit dhe qetësisë, Projektligji për auditivin e brendshëm etj.
Në seancën e sotme kryetari i Komisionit për të drejtat e njeriut, Ismet Beqiri kërkoi që institucionet e Kosovës të ndajnë buxhet dhe të bëjnë më shumë për zbardhjen e fatit të personave të pagjetur.