Muharrem Sfarqa, kandidat i LDK-së për kryetar të Ferizajt

nga **Agim Gashi** Sat Jun 08, 2013 7:27 pm

Muharrem Sfarqa, kandidat i LDK-së për kryetar të Ferizajt

Dega e Lidhjes Demokratike të Kosovës (LDK) e Ferizajt të shtunën pasdite ka vendosur që kryetari i degës, Muharrem Sfarqa të jetë kandidat i këtij subjekti për kryetar të Ferizajt në zgjedhjet e ardhshme që pritet të mbahen në vjeshtën e këtij viti.
Lajmin për zyrtarizimin e kësaj kandidature e ka bërë publik nënkryetari i degës, Faik Grainca, në një konferencë për medie, duke thënë se paraprakisht, Muharrem Sfarqa, e ka marr mbështetjen e anëtarëve dhe simpatizantëve por edhe të strukturave drejtues të degës. Grainca, i ka uruar suksese Sarqës, ndërsa ka shtuar se ky vendim i kryesisë ka qenë unanim dhe se ky vendim do t'i procedohet strukturave qendrore të cilat edhe do të deklarohen rreth kësaj kandidature. "Për struktura e degës është vendim përfundimtar, kandidatit i dëshirojmë suksese dhe shpresojmë se LDK me këtë zgjedhje do të rikthehet fuqishëm në skenë politike të Ferizajt", ka thënë Grainca.
Në anën tjetër, kryetari i degës dhe tashmë kandidati i këtij subjekti për kryetar të Ferizajt, Muharrem Sfarqa, ka premtuar kthimin e këtij subjekti në pushtet. Ai ka thënë se qytetarët ferizajas janë të zhgënjyer nga kjo qeverisje aktuale dhe se meritojnë një qeverisje me ndryshe me LDK-në në pushtet. "Kërkoj nga të gjithë që të punohet më shumë në fuqizimin e LDK-së. Ky propozim është një sihariq i mirë për të gjithë ne që të angazhohemi fuqishëm për ta kthyer LDK-në aty ku e ka vendin dhe për ta larguar ketë qeverisje aktuale që vetëm po i shkakton dëme Ferizajt", ka thënë Sfarqa, duke përmendur edhe shumë arsye tjera se pse LDK duhet ta merr pushtetin në Ferizaj.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30