Erzen Breçani quan Edi Ramën ‘Hitler', pezullohet 1 muaj nga detyra

nga **Agim Gashi** Wed Jul 03, 2013 3:42 pm

Zv.drejtori për Sigurinë Publikë në Drejtorinë e Policisë së Qarkut të Tiranës, Erzen Breçani

Pezullohet 1 muaj nga detyra Zv/drejtor i policisë së Tiranës, Erzen Brecani.

Vendimi është marrë nga kreu i Policisë së Shtetit Hysni Burga një ditë pas publikimit të një statusi në rrjetin social “Facebook”, Zv/drejtor i policisë së Tiranës etiketonte Ramen si “Hitler dhe Enver Hoxha i dytë”.
Zv/drejtor i policisë së Tiranës, Erzen Brecani në këtë mesazh i bënte thirrje gjithë mbështetësve të Partisë Demokratike të ngrihen për të larguar Edi Ramen. Ndërkohë, pas përhapjes në media, Bracani ka mohuar autorësinë e postimit, megjithëse pranonte se profili në "Facebook", është i tij.
Kreu i Policisë së Shtetit Hysni Byrgaj sqaron se në lidhje me incidentin do të kryehet një inspektim nga ana e Policisë së Tiranës nëse komenti mban autorësinë e zv/drejtorit të Policisë Erzen Brecani dhe më pas do jetë Komisioni Disiplinor që do marrë vendim pëfundimtar .
Urdhri për pezullimin e Brecanit është marrë mbrëmjen e djeshme ndërkohë vendimi zv/drejtorit të policisë i është komunikuar sot.
Brecani i cili aktualisht mban postin e zv/drejtor të policisë së Tiranës ka pasur jo pak incidente me partinë Socialiste, ku mund të përmendin përplasjen e me deputetin Saimir Tahiri pas përleshjeve mes policisë dhe banorëve të një pallati në zonën e ‘Petro Nini Luarasit’, pasi përmbaruesi privat tentoi ti nxirrte jashtë banesave.
Ndërkohë, që kreu i PS-së Edi Rama dhe selia rozë, kanë sulmuar vazhdimisht Policinë e Shtetit si të implikuar me 'kupolën e krimit' në vend.

POSTIMI I BRECANIT NE 'FACEBOOK'

“Përshendetje liderit historik të shqipëtarëve Doktorr Sali Berishës e duam ndihmën tënde se jemi mësuar me ty që të na prish deri sa të largojmë pinjollët e komunistave me në krye Edvin Ramen ta largojmë këtë Enver të dytë ne që dikur studenta të ‘91 shembëm diktaturen Enveriste do gjejmë forcë dhe optimizem do të ngrihemi të tërë së bashku me rininë që të mos e lëmë këtë Hitler të gjunjëzojë shqiptarët”, shkruan Brecani.
Por, sapo postimi i tij në Facebook ka marrë dhenë e ka bërë bujë, zv/drejtori i policisë së Tiranës, Erzen Breçani ka reaguar duke sqaruar se nuk e ka shkruar ai këtë postim. Breçani thekson se “faqja në Facebook është imja, ndërsa komenti jo. Shpesh e lë faqen hapur, dhe besoj se e ka shkruar dikush tjetër”.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30