Feksor Shkurti:NËNËS SIME TË SHTRENJTË

nga **Agim Gashi** Fri Jul 05, 2013 5:11 pm

Feksor Shkurti:NËNËS SIME TË SHTRENJTË
(Elegji pas ndarjes prej saj)

Feksor Shkurti:NËNËS SIME TË SHTRENJTË 1000706_540700499310823_1191113939_n

Nëna ime e shtrenjtë që kurrë nuk do të shikoj
e të takoj më në jetë
Nëna ime e dhimsur që kaq papritur u ndave
përgjithmonë nga ne,
Nëna ime e mënçur, e bukur, fjalë ëmbël, e urtë
dhe kaq e shtrenjtë
Nëna ime e dashur që jetë, gjak, shpirt e frymë
nga trupi e shpirti jot më dhe.

Nëna ime e pa harruar që më linde e më rrite me
aq shumë mundime
Nëna ime, që më edukove dhe më dhe aq shumë
jetë dhe dashuri
Nëna ime që në jetë asgjë për mua nuk kurseve
e më ke lënë kaq shumë kujtime
Nëna ime jetime, duar artë, fisnike, bujare, e qeshur,
e shpirtmadhe si rrallëkush si ty.

Lamtumirë përgjithmonë o Nëna ime e shtrenjtë unë
të thash tek varri
E gjithë bota dhe jeta në ato momnte për mua sikur
u përmbysën papritur
Ndjeva dhimbjen më të madhe të zemrës e të shpirtit
sepse u nda nëna nga djali
Shpirti jot i bukur të shkoftë dhe u prehtë në parajsë
o Nëna ime e ndritur.

Ti ke qënë, je dhe do të mbetesh kryefjala
e të gjitha fjalëve,
Ti ke qenë, je dhe do të mbetesh për mua
më e madhja dashuri
Ti ke qenë, je dhe do të mbetesh dhimbja
e të gjithë ne të gjallëve
Ti ke qenë, je dhe do mbetesh më e bukura fjalë
për mua dhe për çdo njeri.

Nënë, o më e bukura fjalë midis të gjitha fjalëve
të çdo fjalori
Nënë, o më e ëmbla fjalë në fjalorët e të gjitha gjuhëve
në të gjithë botën
Nënë, o e para fjalë që flet çdo njeri në jetë, e si të gjithë
të tjerët edhe Feksori
Nënë, o më e shtrenjta e më e madhja fjalë që mbulon
qiellin, oqeanet dhe tokën.

O’ nëna ime e shtrenjtë e xhanit dhe e shpirtit tim,
që kurrë nuk do takohemi prapë,
Po si na ike e na le kështu, kaq papritur e pakujtuar
dhe me kaq nxitim
Kur të vij tek shtëpia jonë e dashur, portën e saj
kush do të ma hap
E kush do më presë me krahët hapur me atë të ëmblin
e të shtrenjtin përqafim ?

Jo, jo dhimbja e madhe e ndarjes nga Nëna e shtrenjtë
nuk paska të krahësuar,
Sa të jemë i gjallë ato momente thellësisht të dhimshme
nuk do të mundem ti harroj
Me kujtimin Tënd, për nderin Tënd, për dashurinë Tënde
tash e tutje kam për të jetuar
Gjithë përkëdhelitë, mundimet e tua, fjalët e tua, duart e tua
dhe emrin Tënd do ti kujtoj.

Feksor SHKURTI
Tirane, me 05.07.3013

nga **Agim Gashi** Fri Jul 05, 2013 5:46 pm

Ja dhe keto vargje te bukura per nenen tone te dashur te shkruara nga Serxho Hizmo i cili ndodhet ne emigracion ne Itali. Faleminderit shume i dashur Serxho...

Feksor Shkurti:NËNËS SIME TË SHTRENJTË 1000706_540700499310823_1191113939_n

Serxho Hizmo:ZONJES SE NDERUAR LIRI ( GJONIKA ) SHKURTI

ALL-LLAHU punet i di
Si ti bej e si ti ndreqe
Ste beri te vuash ti
Po te mori shpejt e shpejte

O moj Lirua - Liri
Me e mir se ti kush ka mbete
Se ishe per bukuri
E nderuar e gjith lezet

Pese djem te gjith selvi
Te te rrojn ti kesh me jete
I ke si veten flori
Te mire siç ishe vete.

Si rahmetliu Avni
Qe kurr sprishi fjale ne jete
Sot do ti shkosh pranë dhe ti
Se te ka patur te shtrenjte

Te fala ti me dergove…
Dhe nje dit me pas mbarove
Te mori engjelli dhe ike
Lulja e fundit e Gjonike

Per mua kishe respekt
Ndofta me doje si djale
E nderuara per jete
Te mi pranosh keto fjale

Te pese djemte te te rrojne
Te te rrojne e te te kujtojne
Dhe per jet te te nderojne
Se ishe vertet nje ZONJE

Serxho Hizmo

Feksor Shkurti:NËNËS SIME TË SHTRENJTË 251017_532714460109427_84191639_n

Feksor Shkurti:NËNËS SIME TË SHTRENJTË 251017_532714460109427_84191639_n

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30