VIKTORIA XHAKO - E LUMTUR – Poezi

nga **Agim Gashi** Wed Jul 31, 2013 3:16 pm

VIKTORIA XHAKO - E LUMTUR – Poezi

Thonë që jeta ka dimensione, nuk e di.
Thonë që e bukur është ajo,
Thonë se dielli lind përsëri,
Thonë se edhe era ka gojë.
Unë endem pyllit xhungël të saj, pa zë, pa sy.
Kam veç dy këmbë, që thonë ec,
Dhe dy duar që sinqerisht pas i ndjek.
Dikur një çarçaf më shtruan përpara,
Pylli kish endur fytyrën e tij në të:
Një luan, një majmun dhe shumë banane,
Në mes të tyre më kërcënonte tigresha syhirtë.
E mbështolla rreth trupit, jo, nuk vlente,
E shtriva në një shtrat fshehur të tjerëve,
Dhe prita...
Dhe jam e lumtur shumë,
Jam shumë e lumtur, ha, pi, qesh,
Një flutur kap, e lëshoj, laj dyshemenë,
Një shall thur me shtiza në qoshe të divanit,
Një bukë të ngrohtë blej,
Mirëdita i them komshies edhe pse ajo nuk më përgjigjet,
Këpucët e vjetëruara shoh e them t’i hedh.
Pastaj një kafé të fortë para kompjuterit e pi dalngadalë
Me vetminë time, të heshtur, të bardhë.
Unë jam e lumtur...

Po nëse ti vjen,
Pak ujë, të lutem, i dashur, lermë të pi në grushtin tënd,
Dhe unë do të jetoj!

E martë 30 korrik 2013 ora 10:45
VIKTORIA XHAKO
(ZHORZH SAND)
VIKTORIA XHAKO - E LUMTUR – Poezi 521864_669675883059927_267011328_n

VIKTORIA XHAKO - E LUMTUR – Poezi 521864_669675883059927_267011328_n

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30