Edi Rama merr Shkëlzen Maliqin këshilltar për rajonin

nga **Agim Gashi** Thu Aug 29, 2013 9:22 pm

Edi Rama merr Shkëlzen Maliqin këshilltar për rajonin 123614_edi_rama_dest_2

Edi Rama merr Shkëlzen Maliqin këshilltar për rajonin

Tiranë, 29 gusht -Kryeministri Edi Rama, ka njoftuar në Facebook, emrin e Këshilltarit të tij për rajonin i cili është kosovari, Shkëlzen Maliqi.
"Kabineti i ri i kryeministrit do të ndryshojë thellësisht. Numri i madh deri më sot i këshilltarëve do t'ia lërë vendin një bërthame strategjike njerëzish me cilësi të spikatura, të cilët do të luajnë rol kyç në përgatitjen e vendimmarrjes.

Njëri prej tyre do të jetë edhe një intelektual i mirënjohur e i mosvarur, që do të vijë nga Prishtina, për të ndihmuar në jetësimin e rolit që parasheh për Shqipërinë në rajon programi ynë i Rilindjes - Shkelzen Maliqi. Ne duam të ecim më shpejt në drejtim të Kosovës e të fqinjëve të shqiptarëve në tërësi, për të mundësuar të gjithë bashkë projektin e një rajoni plotësisht të integruar në Europën e Bashkuar.
Marrëveshja e Kosovës me Serbinë ka shënuar fundin e konflikteve të bartura nga ish-Jugosllavia dhe ka hapur një horizont të ri mundësish që na takon ne, njerëzve të këtyre territoreve t'i kthejmë në zhvillim ekonomik, social e kulturor rajonal pa humbur vite të tjera të çmuara. Shkëlzen Maliqi na është bashkuar për këtë qëllim të lartë fisnik”, shkruan Rama në profilin e tij në rrjetin social, Facebook.
Pak ditë më parë Rama njoftoi për emërin e gjeneralit Sandër Lleshi në postin e këshilltarit të Mbrojtjes.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30