Logot e Kosovës në fletëvotime janë të domosdoshme

nga **Agim Gashi** Thu Sep 05, 2013 11:18 pm

Logot e Kosovës në fletëvotime janë të domosdoshme

· Serbët tashmë dihet se, me ose pa logot e Republikës së Kosovës, e kanë të garantuar Komunën e Veriut të Mitrovicës. Mbetet vetëm të shihet se si do ta kurorëzojnë këtë fitore, me ose pa logot e Republikës së Kosovës. Dhe, nëse ndodhë që ta fitojnë pa Logot e Kosovës, fitorja serbe është historike sepse, “de jure” dhe “de facto”, ata realizojnë parakushtin për të vënë themelet e krijimit të "Republika serpska 2"

Logot e Kosovës në fletëvotime janë të domosdoshme 1236519_211237179037299_602679362_n

Logot e Kosovës në fletëvotime janë të domosdoshme 1236519_211237179037299_602679362_n

Shkruan: Skënder Zogaj

Serbia po vazhdon të mos pranojë që në materialet zgjedhore 2013 të figurojë logo e Republikës së Kosovës.

Kryeministri Thaqi pas dështimit për të gjetur zgjidhjen e duhur nëpërmjet të bisedimeve në Bruksel, vazhdon me kalkulime. Njëherë u përpoq që zgjidhjen e problemit ta kërkojë në KQZ (komisioni qendror zgjedhor), por pastaj, pas reagimeve të arsyeshme të partive poliike opozitare, mediave të pavarura, opinionit të gjerë por edhe të disa deputetëve të Parlamenit, Thaci vazhdoi me kërkimin e zgjidhjeve të tjera të mundshme alternative.

Kryeparlamentari Jakup Krasniqi, nuk ka pranuar asnjëherë të flas për logot, por vazhdimisht ka insistuar prerazi që, gjithkush duhet ta kryej detyren e vet sipas përgjegjesive kushtetuese!
Logot e Kosovës në fletëvotime janë të domosdoshme Largea_zgjedhje1376320618

Logot e Kosovës në fletëvotime janë të domosdoshme Largea_zgjedhje1376320618

Koha e përgatitjes së materialeve zgjedhore po harxhohet dhe, cështja e simboleve po mbetet problemi që duhet të zgjidhet sa më parë në mënyrë që fletëvotimet të mund të shtypen dhe të bëhen gati për zgjedhje. Nga burimet e afërta jozyrtare me kabinetin Thaci, po pëshpëritet se është në përfundim një marrëveshje e re për “shenja neutrale”, që do të ishin të pranueshmë si për serbët, ashtu edhe për shqiptarët (!!!). Cfarë mund të jenë këto “shenjat neutrale” mbetet të shihet dhe të dihet, mirëpo, si term është i papranueshëm, sepse juridikisht, nuk ka dhe nuk mund të ketë simbole neutrale në dokumente normale zyrtare dhe identifikuese brenda një shteti legal.

Asgjë ende nuk është e qartë. Mirëpo, krahas Kryeministrit Thaci, valles kalkuluese , për cudi të cudirave, iu ka bashkangjitur edhe lideri i AAK-së Ramush Haradinaj, e prapa tij edhe Lideri i partisë turke të Kosovës, Mahir Jagxhilar, të cilët janë shprehur të gatshëm për të përkrahur cdo zgjidhje që ofron Thaci, sepse sipas tyre : “më e rëndësishme se logot e Repubikës së Kosovës, është mbajtja e zgjedhjeve!”

Specialistët, studjuesit, analistët, kanë mendim krejt ndryshe, sepse simbolet shtetërore në një proces zgjedhor i konsiderojnë të domosdoshme. Nëse hiqen simbolet nga fletëvotimet, nuk ka zgjedhje të rregullta. Në rast të heqjes se simboleve për serbët e veriut, këta ekspertë vlerësojnë se lëndohet në esencë kuptimi dhe përmbajtja e zgjedhjeve, sepse, zhvlerësohet rëndësia e zgjedhjeve dhe, lejohet mundësia e spekulimit me ligjin. Kjo do të thotë se motivohet përpjekja e militantëve për parregullësi dhe përfitime në votime, që do ta dëmtonin procesin deri në masën e dështimit të zgjedhjeve.

Zgjedhjet po afrohen dhe dilemat janë të mëdha. Për Kosovën këto zgjedhje jënë tepër të rëndësishme, dhe është dashur që të mos lejohet ardhja në këtë gjendje kaq të rëndë. Krekosjet e shumta e për shumë kohë përcmuese të Kryeminsitrt Thaci ndaj procesit negociator me Serbinë, po dalin ndryshe, sepse, me gjasë serbët do të qeshen të fundit. Serbët që tashmë dihet se, me ose pa logot e Republikës së Kosovës, e kanë të garantuar Komunën e Veriut të Mitrovicës. Mbetet vetëm të shihet se si do ta kurorëzojnë këtë fitore, me ose pa logot e Republikës së Kosovës. Dhe, nëse ndodhë që ta fitojnë pa Logot e Republikës së Kosovës, fitorja e serbëve është historike sepse, “de jure” dhe “de facto”, ata realizojnë parakushtin për të vënë themelet e krijimit të "Republika serpska 2", sic e ka vërejtur edhe Adem Demaci.
Logot e Kosovës në fletëvotime janë të domosdoshme Kqz-620x330

Logot e Kosovës në fletëvotime janë të domosdoshme Kqz-620x330

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30