BE-ja diskuton masat antigrip

BE-ja diskuton masat antigrip

Ministrat e shëndetësisë të Bashkimit Evropian janë takuar në Luksemburg në një mbledhje të jashtëzakonshme për të diskutuar koordinimin e hapave kundër epidemisë së gripit të derrave.




Zvicra dhe Holanda janë ndër vendet e fundit që kanë konfirmuar raste të kësaj sëmundjeje.
Në prag të këtij takimi Franca ka propozuar ndalimin e të gjitha fluturimeve nga vendet e BE-së drejt Meksikës, ndërsa Italia thotë se vëmendja duhet të përqëndrohet në sigurimin e rezervave të mjaftueshme me vaksina.
Zyrtarët e Bashkimit Evropian thonë se nuk ka vend për panik.
Më herët, Drejtori i Përgjithshëm i Shëndetësisë në Bashkimin Evropian, Robert Madelin, tha se virusi mund të vriste mijëra evropianë.
Ai tha se pyetja nuk shtrohej nëse do të kishte raste vdekjesh nga gripi në Evropë, por sa do të ishte numri.
Megjithatë, ai tha se Bashkimi Evropian ishte i përgatitur.
Organizata Botërore e Shëndetësisë thotë se deri tani janë konfirmuar mbi 230 raste të këtij virusi në të gjithë botën, kryesisht në Meksikë.
Autoritetet në Meksikë, ku u shfaqën rastet e para të sëmundjes, iu kanë bërë thirrje njerëzve që të mos dalin nga shtëpia.
Në një fjalim në televizion, presidenti Felipe Kalderon, i këshilloi meksikanët që të mos dilnin nga shtëpia për disa ditë.
"Ditën e hënë ne ndërpremë mësimin në të gjitha shkollat e vendit. Tani ne po e shtrijmë këtë masë edhe në sektorë të tjerë. Veprimtaritë publike që konsiderohen si jothelbësore do të pezullohen. Nga 1-5 maj do të pezullohen edhe aktivitetet private që nuk janë thelbësore për publikun. Policia, ushtria, shërbimi shëndetësor, bankat dhe sektorët e tjerë të rëndësishëm do të vazhdojnë të funksionojnë normalisht", tha presidenti i Meksikës, Felipe Kalderon.
Shtetet e Bashkuara e kanë përjashtuar mundësinë e mbylljes së kufirit me Meksikën si masë parandaluese për mospërhapjen e sëmundjes.
Zëvendëspresidenti, Joe Biden, tha se mbyllja e kufirit ishte një punë kolosale nga e cila do të kishte vetëm pak përfitime.
Organizata Botërore e Shëndetësisë e ka rritur nivelin e gatishmërisë në shkallën pesë, nga gjashtë që janë gjithësej.
Ajo thotë se këtej e tutje do ta quajë virusin 'influenza A' (H1N1) në vend të termit 'gripi i derrave', pasi kjo po ngjallte keqkuptim te konsumatorët e mishit të derrit.

BE-ja diskuton masat antigrip

Nga Expres



Në Texas, shkollat janë mbyllur deri më 8 maj

Ministrat e shëndetësisë të Bashkimit Europian janë takuar në Luksemburg në një mbledhje të jashtëzakonshme për të diskutuar koordinimin e hapave kundër epidemisë së gripit të derrave.

Zvicra dhe Holanda janë ndër vendet e fundit që kanë konfirmuar raste të kësaj sëmundjeje.

Në prag të këtij takimi Franca ka propozuar ndalimin e të gjitha fluturimeve nga vendet e BE-së drejt Meksikës, ndërsa Italia thotë se vëmendja duhet të përqëndrohet në sigurimin e rezervave të mjaftueshme me vaksina.

Zyrtarët e Bashkimit Evropian thonë se nuk ka vend për panik.

Më herët, Drejtori i Përgjithshëm i Shëndetësisë në Bashkimin Evropian, Robert Madelin, tha se virusi mund të vriste mijëra evropianë.

Ai tha se pyetja nuk shtrohej nëse do të kishte raste vdekjesh nga gripi në Evropë, por sa do të ishte numri.

Megjithatë, ai tha se Bashkimi Evropian ishte i përgatitur.

Organizata Botërore e Shëndetësisë thotë se deri tani janë konfirmuar mbi 230 raste të këtij virusi në të gjithë botën, kryesisht në Meksikë.

Autoritetet në Meksikë, ku u shfaqën rastet e para të sëmundjes, iu kanë bërë thirrje njerëzve që të mos dalin nga shtëpia.

Në një fjalim në televizion, presidenti Felipe Kalderon, i këshilloi meksikanët që të mos dilnin nga shtëpia për disa ditë.

"Ditën e hënë ne ndërpremë mësimin në të gjitha shkollat e vendit. Tani ne po e shtrijmë këtë masë edhe në sektorë të tjerë. Veprimtaritë publike që konsiderohen si jothelbësore do të pezullohen. Nga 1-5 maj do të pezullohen edhe aktivitetet private që nuk janë thelbësore për publikun. Policia, ushtria, shërbimi shëndetësor, bankat dhe sektorët e tjerë të rëndësishëm do të vazhdojnë të funksionojnë normalisht", tha presidenti i Meksikës, Felipe Kalderon.

Shtetet e Bashkuara e kanë përjashtuar mundësinë e mbylljes së kufirit me Meksikën si masë parandaluese për mospërhapjen e sëmundjes.

Zëvendëspresidenti, Joe Biden, tha se mbyllja e kufirit ishte një punë kolosale nga e cila do të kishte vetëm pak përfitime.

Organizata Botërore e Shëndetësisë e ka rritur nivelin e gatishmërisë në shkallën pesë, nga gjashtë që janë gjithësej.

Ajo thotë se këtej e tutje do ta quajë virusin 'influenza A' (H1N1) në vend të termit 'gripi i derrave', pasi kjo po ngjallte keqkuptim te konsumatorët e mishit të derrit. /BBC/

Gripi, keq e ma keq

Alarmi i kuq për gripin e derrave është lëshuar në mbarë planetin — derisa kryetari i Organizatës Botërore të Shëndetësisë ka paralajmëruar se “tërë njerëzimi është nën kërcënimin e këtij virusi”.

Holanda dhe Zvicra sot u bënë vendet e fundit që konfirmuan rastet e tyre të para të gripit të derrave.

Me këto dy shtete u ngrit në 11 numri i vendeve të prekura nga virusi në mbarë botën.

Ndërkohë, Egjipti ka urdhëruar therjen e derrave edhe pse nuk është evidentuar asnjë rast i gripit të derrave dhe nuk ka prova që derrat mund ta përhapin virusin.

Britania, me vetëm 5 raste të gripit, është duke provuar të blejë 32 milion maska. Ndërsa në SHBA, Presidenti Barack Obama ka thënë që më shumë se 132 mijë shkolla mund të mbyllen.

Niveli i pestë i alarmit

Organizata Boterore e Shëndetësisë (OBSH) ngriti nivelin e alarmimit prej nivelit të katërt, në atë të pestë, meqë virusi i gripit të ri po përhapet pa shenja të ngadalësimit.

Kjo është hera e parë gjatë 25 viteve të fundit OBSH-ja ta ngrisë nivelin e gatishmërisë në pesë, prej gjithsej gjashtë niveleve.

Ndërkohë, Ministria kroate e Shëndetësisë lajmëroi se në Osijek është regjistruar rasti i parë për të cilin ekziston dyshimi se është i infektuar me virusin H1N1.

Një studente e ekonomisë, e cila ka qëndruar dy javë në SHBA në shkëmbim studentor, është ndalur në karantinë nën dyshimin se është e infektuar nga virusi i gripit të ri.

Ministri kroat i Shëndetësisë, Darko Milinoviq konfirmois se në këtë shtet është shënuar rasti i parë i dyshimtë.

SHBA-të, dje, konfirmuan rastin e parë të vdekjes. Në Teksas, nga gripi i ri ka ndërruar jetë një bebe 23 muajshe, ndërsa numri i të sëmurëve u ngjit në 91 persona.

Në Evropë, Austria është shteti më i ri që paraqiti një rast të infektimit. Gjermania konfirmoi tri raste, ndërsa në Britani janë konfirmuar tri raste të reja.
Raste të reja janë regjistruar në Spanjë, Izrael dhe në Zelandë të Re.