Jahir Demaj:KUSHTUAR PRESIDENTIT IBRAHIM RUGOVA

nga **Agim Gashi** Wed Sep 11, 2013 6:30 pm

Jahir Demaj:KUSHTUAR PRESIDENTIT IBRAHIM RUGOVA

U lind një Njeri, apo erdhi si hija
Ndoshta, e çoi Perëndia
Të urtë, të qetë, paqësor...
Si një yll polar, njerëzor.
Ky Njeri, foli, tha, u ngrit
Nuk ndaloj, predikoi, në maja
U ngjit!
Nuk pushoi, punoi. U kthye në gur
GRANIT.
Fjalën e shpresës shqiptoi
Fjalën LIRI, e tha dhe shtoi
DEMOKRACI,
Për popullin tim s’ka rruge tjetër,
Vetëm PAVARSI.
Kosovës i qëndroi në ballë,
I doli Zot,
I ndenji afër, përballë
Për jetë e mot,
Një mur i gjallë.
Ky Njeri, një Prijës
Dijetar, mësues, atdhetar,
Me shall në qafë, me plis
Udhëheqës, vizionar.
Ecte Ibrahim Rugova,
Me hapa të matur
E priste KOSOVA.
I palodhur, vrapoi
Nuk u ndal, Vazhdoi.
Ky Njeri, djalë Rugove
Nuk heshti, kurrë, nuk ndaloi
Ky Vigan, bir Kosove
Gjithë popullin bashkoi.
Fjala e tij e rëndë si shkëmbi
Kur flitej, kur thuhej,
Nuk kish burrë t’a luante vendi
Nuk thyhej, nuk luhej.
***
Aq të mprehtë e kishte fjalën, si shpata.
Të pastër kristal, Jehonte
Që nuk thyente eshtra, as kafka!
Fjalët LIRI-Demokraci-PAVARSI
shqiptonte.
Burrat e dheut, i bëri miq, ofroi
Lirinë e Kosovës bekoi
Syri i tij s’i trembej frikës,
Një fjali përherë shqiptoi:
Me miqësinë e përhershme
ME SHTETET E BASHKUARA TË AMERIKËS
****
Emri, puna, vepra e
Presidentit RUGOVA
U bë digë, gjatë luftës, u bë mburojë
Rreze drite u bë në paçe
U bë shtrojë e u bë mbulojë.
Fjalët; Fitore, Liri, Pavarësi
Paçe, Shtet, Demokraci
U bënë emra, simbolikë, emërtime
Sheshesh, rrugësh, shkollash, çerdhesh...
Deri në pavdekësi
...Iku Presidenti ynë, matanë
në botën e amshueshme, treti
Vdiq për të mos vdekur kurrë,
i gjallë në zemrat tona mbeti.

LAVDI

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30