Viza me kushte për qytetarët e Kosovës

Viza me kushte për qytetarët e Kosovës






Nga Express

Kosova do të përfshihet në procesin e liberalizimit të vizave, nëse i përmbushë kushtet e domosdoshme.

Këtë mbrëmë në Pragë e deklaroi nënkryetari i Komisionit Evropian (KE) Zhak Baro, në konferencën dyditëshe "Ndërtim të partneriteteve migruese".

Nevojitet që edhe në Kosovë, si edhe në shtetet tjera, të përmbushen kushtet që janë parashtruar për të gjitha shtetet ballkanike, deklaroi Baro.

Ai u përgjigj pozitivisht në pyetjen e gazetarëve nëse Kosova do të ketë trajtim të barabartë në liberalizimin e vizave si edhe shtetet tjera të rajonit.

"Përgjigja është po, me kusht që Kosova ta pranojë obligimin për të realizuar disa parime të caktuara të cilat janë të domosdoshme nëse duam ta thjeshtësojmë regjimin e vizave", deklaroi përfaqësuesi evropian Zhak Baro.