Njoftim për të pame

nga **Agim Gashi** Fri Oct 18, 2013 5:11 pm

Njoftim për të pame

Lajmërojmë vdekjen misterioze të vëllait tonë të dashur,

Njoftim për të pame Thumbnail.php?file=bakiu_649943055

Ruhi Bakiu nga Reçica e Vogël e Tetovës, trupi i të cilit javën e kaluar u gjet i djegur plotësisht në brendinë e hotelit “Granit”në Kodrën e Diellit në Tetovë, që u përfshi nga flakët.

Profesor Ruhi Bakiu ( 05.08.1964 - 08.10.2013)

Njoftojmë të afërmit, miqtë,farefisin,dashamirët dhe të njohurit tanë,se me datë 20.10.2013 ( e dielë ), nga ora 9.00 deri në ora 16.00, hapim të pame.
Të gjithë ata që kanë dëshirë, kohë dhe mundësi të shprehin ngushllimet e tyre për të ndjerin, Ruhi.
Pjesëmarrja e juaj është ngushëllim dhe respekt për ne.

Adresa:
Teck-Realschule
Aichelbergstraße 591
73230 Kirchheim unter Teck
Adresa gjendet në oborrin e shkollës.

Mob:0163 8963506
Vëllai i të ndjerit Ruhi

Taxhidin Bakiu
18.10.2013
73230 Kirchheim unter Teck, Gjermani

nga **Agim Gashi** Fri Oct 18, 2013 5:18 pm

Heshtje për vdekjes misterioze të Bakiut

Asnjë e dhënë apo detaj nga hetimet akoma nuk është publikuar lidhur me vdekjen misterioze të profesorit Ruhi Bakiu nga Reçica e Vogël e Tetovës, trupi i të cilit javën e kaluar u gjet i djegur plotësisht në brendinë e hotelit “Granit” në Kodrën e Diellit në Tetovë, që u përfshi nga flakët.
Zbulimi paraprak i identitetit u bë pasi telefoni celular i tij u gjet në shkallët e hyrjes së hotelit, ndërsa pas analizës ADN dhe obduksionit u konstatua se bëhet fjalë për ish-profesorin 50 vjeçar të Universitetit të Evropës Juglindore dhe ish- anëtarin e Komisionit Rregullator të Energjetikës në Maqedoni.
Deri tani vdekja e tij mbetet misterioze përfshirë shumë pikëpyetje, se përse Bakiu shkoi nga shtëpiza e tij në hotelin “Granit” apo a kishte caktuar ndonjë takim apo ka pasur thirrje për tu takuar në këtë hotel, që u përfshi nga flakët, apo edhe mundësia e rrëmbimit të dhunshëm, pasi që celulari i`u gjet në shkallët hyrëse të hotelit.
Zëra të ndryshëm nuk përjashtojnë mundësinë e vrasjes, ndërsa ato maqedonase edhe të vetëvrasjes. Bakiu kohë më parë kishte alarmuar se ishte në ndjekje dhe se ishte rrëmbyer nga dy persona disa muaj më parë, të cilët e kishin pyetur për aktivitetet e tij politike dhe paralajmërimin për krijimin e një lëvizje politike tek blloku politik shqiptar.
Bakiu kishte deklaruar edhe për një aksident të planifikuar automobilistik në autostradën Shkup – Tetovë, që siç kishte pohuar për eliminimin e tij fizik. Bakiu kishte theksuar se ka pasur edhe presione politike si anëtar i Komisionit Rregullator, për shkak se kishte kundërshtuar rritjen e çmimeve në energjetikë dhe derivate të naftës. Ai kishte kritikuar për ndryshimet e parashtruara ligjore, që i mundësonin kompanive monopol ligjor dhe rregullimin e rregullave të tyre në treg.
Nga Policia e Tetovës kanë theksuar se ekspertiza në vendin e ngjarjes është kryer, janë marrë mostrat dhe se hetimet po zhvillohen në drejtimin e duhur. (INA)

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31