Beqir Sina:Kryeministër apo kryepolic i shtetit!

nga **Agim Gashi** Sat Oct 26, 2013 9:37 pm

Ky lloj zhvillimi në administratën e porsardhur për mendimin tim mbasi ndodhem në Shqipëri, ka qenë spektakli – politik, më i madh i Qeverisë Rama. Në çdo vend të botës me ardhjen në pushtet të një qeverie të re, ka ndryshime në administrate,por në asnjë vend të botës nuk ndodh si po ndodh në Shqipëri.
Dhe në çdo vend të botës ka një fare kriteri, për ta përcaktuar ndryshimin – por vetëm në Shqipëri nuk ka asnjë lloj kriteri. Madje duke e krahasuar këtë edhe me shtete të brishta për rreth vendit tonë si Maqedonia, Mali I Zi, dhe më e fundit Kosova nuk ndodh si po ndodh në Shqipëri.
Qeveria re ende nuk e ka filluar punën e saj – me problemet dhe me hallet e popullit, por e ka nisur me të ashtuquajturën, “Kapjen e Shtetit", fillimisht duke nisur me policinë e shetit, dhe duke vepruar si një “kryepolic” shteti. Edi Rama, mbasi ka hequr dhe shkarkuar 12 drejtorë policie, brenda një nate, pa asnjë lloj motivacioni në mënyrën më radikale – duke mos lenë as edhe një syresh prej tyre, qoftë edhe ndonjërin prej tyre që ndoshta dhe ka punuar mirë për 8 vjet a me shumë, Mbasi, ka pasur nga të larguarit edhe disa nga ata drejtor policie me kualifikim ndërkombëtar në SHBA, Angli, Holland dhe vende të tjera europiane.
Tani kanë mbetur dhe janë në radhë për t’u spastruar, dhe po presin largimin edhe disa drejtorët e nën/drejtorët, e ministrive të cilët kanë mbetur “ngriva-shkriva” po na heqin sot apo po na heqin nesër. Sot, u konfirmua se ka qenë Enti Rregullator i Energjisë, i cili emëroi administratorin e ri të operatorit të sistemit të shpërndarjes së energjisë CEZ
Ngaqë, kuptohej se detyra për të drejtuar këtë shoqëri “problematike”, do të kishte një lëvizje të këtillë - por mënyra spektakolare e zhvillimit të “përzgjedhjes” së një ish nëpunësit të Bashkisë së Tiranës, në kohën e Edi Ramës si kryetar Bashkie, pra zoti Arben Seferit, në mesin e “tre” kandidaturave në garën e shpallur nga Enti për këtë post, vjen vetëm “erë” e qelbur, e një propagande të vjetruar, ashtu si thuhet tashmë nga kryeministri Edi Rama, se “do të ketë për çdo kanditatur punësimi 100 persona në çdo ministri, për të përzgjedhur tre kandidatura ku njëra prej tyre del fituese”.
Lind pyetja përse kjo praktikë nëse zbatohet?! nuk ka një farë transparence dhe përse nuk u ndoq qysh në fillim kjo lloj praktike ? duke i paraprirë reformave – për të cilat edhe votuan shqiptarët me 23 qershor. Sepse, kështu si e ka nisur kryeministri i vendit veçse po e nadn shtetin në dyshë: “Në disa të “Nënës dhe disa të Njejrrkës”-“ O me ne ose kundra nesh” dhe e thënë ma shqip,kjo është Lufta e Klasave në demokracin shqiptare”.
Në këto rrethana këto janë akte të pastërta spastrimi dhe “për të shpëlarë” trurin e ndërkombëtarëve që vëzhgojnë Shqipërinë, ashtu si dhe veprojë Enever Hoxha për 45 vjet. E thënë më drejtë si në kohën e komunizmit kur komunistët erdhën në pushtet mbas LDB dhe e nisën duke spastruar një e nga një të gjithë ish administratën e atëhershme e cila ishte e përbërë nga intelektualët më të zotët e asaj kohe e asaj kohe, madje duke i paditur ata më pas dhe hedhur në gjyqe të sajuara deri sa edhe i pushkatoj pa gjyqe…Dhe më pas duke i zëvendësuar ata me partizan të pashkollë dhe dallkauk, që e çuan Shqipërinë, në diktaturë totale, skamje dhe mjerim ndaj popullit të vetë.
Shqipëria, e cila kaloi diktaturën me të egër në botë dhe është i vetmi vend ish komunist që ende udhëhiqet nga ish bijtë e nomenklaturës, pra me ata që edhe po të mos kishin ndodhur këto ndryshime që ndodhën, sepse edhe po të kishte qenë Enver Hoxha gjallë, sot, po Edi Rama, Samir Tahiri, Ditmir Bushati, Erjon Veliaj, Harito, Spiropali, Gjosha, Kodheli, Beqja e të tjerë do të ishin në ato karrige ku janë, do të ishte një qeveri që me kuadro partie si e ka sot Shqipëria.
Me marrjen e pushtetit në këtë mënyrë, me 84 deputet (ku me hire dhe ku me pahir, ku me para dhe ku me ideologji) dhe me një grup tjetër që ka mbetur gjoja në “opozitë” dhe me zorë prêt t’i thërrasë Rama, por ngaqë hë për hë, nuk i duhen më, se ka aq shumë sa nuk po ia del me këta që ka “Partia Pushtet Shtet”, është duke u instaluar në Shqipëri në çdo dikaster. Sipas parimeve demokratike në të gjithë botën dhe si funksionon demokracia kudo dihet se :” Pushteti duhet të jetë i partisë që fiton zgjedhjet po shteti duhet të jetë i të gjithëve” . Dhe jo shtetin e ndan në dyshë: “Në disa të “Nënës dhe disa të Njejrkës”-“ O me ne ose kundra nesh” dhe e thënë ma shqip, të bësh Luftën e Klasave edhe brenda sojit”.
Pas zgjedhjeve të lira e demokratike ka thënë filozofi francez Joseph De Maistre: “Çdo popull ka atë qeveri që e meriton” dhe Presidenti amerikan Abraham Lincoln ka thënë se: "Vota është më e fuqishme se plumbi ! me plumb mund të vrasësh armikun tënd, kurse me votë mund të vrasësh të ardhmen e fëmijëve të tu! Dhe kështu në bazë të principeve të demokracisë: “Partia që fiton vetëm e drejton shtetin për aq kohë sa populli i saj i jep votën populli, po në asnjë mënyrë ajo nuk duhet ta “Kapi shtetin" si e ka kapur Edi Rama, kryeministri i Shqipërisë..
Në Shqipëri, Partia që vjen në pushtet (demokratët kur erdhën në pushtet iu deshën më shumë se dy vjet për të larguar administratën, dhe një pjesë e socialistëve mbeten në administrate, deri sa erdhën më 23 qershor socialistët të cilët brenda muajit bëjnë përjashtim - sepse i radikalizojnë gjërat, duke dëbuar të gjithë punonjësit e administratës dhe i zëvendësuar ata fillimisht gjoja me ekspertë të diplomuar në perëndim. Pra a thua se ata të mëparshmit nuk ishin shkolluar në SHBA, Paris, Romë, Londër e tjerë, dhe janë duke i zëvendësuar shpejt e shpejt këto ditë në çdo dikaster me anëtarë të partisë, pastaj me kalimin e kohës, me miq e të njohur, me njerëz që lidhen me interesa e me ata që paguajnë.
Në një vend si Shqipëria, ku papunësia është e madhe dhe ekonomia është shumë larg vendeve perëndimore, shteti tani kthehet në një punëdhënës i madh e ku “partia – shtet dhe pushtet” nuk e mban dot pushtetin pa pushtuar e përvetësuar tërësisht shtetin dhe pa kënaqur sado pak ata militantë partie që ia dhanë edhe fitoren.
Mirëpo, të çudit fakti se ashtu si 23 vjet më parë në Shqipëri, diplomatët e huaj dhe ndërkombëtarët, Uashingtoni dhe Brukseli, nuk janë shprehur haptas kundër kësaj dukurie shqiptare të trashëguar nga mentaliteti komunist i marrjes së pushtetit, dhe njerëzit me të drejt pyesin "Po perëndimi dhe Amerika nuk e sheh se çfarë po ndodh në Shqipëri!"
Meqenëse kryeministri i vendit, Edi Rama duket se nuk e ka kuptuar ende se ka marrë 84 deputet dhe 1 milion vota të cilat ai me atë cinizmin që ka në gene, dhe asaj arrogancës që e ka në karakter, i “quan 1 milion shuplaka” për Berishën votat që mori nga sovrani, të cilat nesër nëse nuk punon si ai ka premtuar këtij populli ngopur dhe i lodhur dhe i shkatërruar nga politika, i a kthehen atij në 3 milion - jo më “shuplaka por në hunj, gurë dhe baltë”
Sepse tani ti je në krye të një shteti që aspiron dhe ëndërron Europën dhe nuk je më në krye të shtetit nuk je njësoj si në krye të kryeqytetit – Nuk je ashtu sikur Rama kryebashkëiak, që dilte me “sopatë në dorë të spastrojë Lanën dhe qendrën e Tiranësn nga kioskat”. Kryeministri Rama, duhet të kuptojë se fuqia e 84 votave është e rrezikshme në radhë të parë për qeverisjen e tij, sepse bota perëndimore “i frikësohet kësaj më shumë” se çdo gjëje tjetër pavarësisht se në heshtje nuk e pranon. Kur dihet se sot as në Gjermani, SHBA, Angli e tjerë, "nuk asnjë qeveri në botë sot, të vijë në pushtet me një maxhorancë të tillë", pavarësisht, se ajo nuk është reale, sepse dihen mënyrat se si i morën 84 deputet
Njerëzit shumë shpejt në Shqipëri janë të zhgënjyer, sepse po shohin se: “Korrupsioni po vazhdon edhe dhe me administratën e që ka formuar qeveria Rama, por e keqja më e madhe është se shumë qytetarë këtu, ndonëse e kuptojnë të drejtën e tyre në parim, dhe e shohin se çfarë po ndodh janë “ngriva shkriva” nga frika sepse ndonjë pjesëtar i familjes së tyre, nesër i komunikojnë para se të hyjë në zyrë, të dorëzojë çelësat dhe të largohet nga puna. Pra kudo është future frika se mos humbin vendet e punës dhe "bukën e gojës", duke "e kapur shtetin".

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30