Krasniqi i akuzon mediat si argatët e Serbisë. Argat i kujt ishe Jakup kur e shpalle dënimin me vdekje për presidentin Rugova?!

nga **Agim Gashi** Sun Nov 17, 2013 3:21 pm

Kryekuvendari Jakup Krasniqi harron mikun e tij Milaim Zeka, e fshin nga kujtesa akuzën që e bëri ai ndaj tij, se ua priste buzët atyre vajzave që i trajtonin si robëresha, ‘komandantët’ e UÇK-së të drejtuar nga grupe marksiste-leniniste, fajëson mediat pse tregojnë çfarë tha Zeka. Kur Zeka ndynte dhe hidhte gur e dru mbi presidentin Ibrahim Rugova dhe figurat më madhështore të kombit, Krasniqi kurrë nuk thoshte se ky është një mashtrim i madh që po i bëhet shqiptarëve dhe shqiptarisë. Kur nxinte heronjtë dhe heroizonte maskarenjtë ndihej i kënaqur. Tani le të kënaqet në maskarallëkun e ri të Zekës, le të shpëlahen të pashpëlarët, të zbardhin fëlliqtitë e tyre, dhe mos të bëj përgjegjës mediat me kualifikimet njohura të psikes sllavo-ortodokso-komuniste. Është po Jakup Krasniqi, që e pat shpallur dënimin me vdekje të presidentit Rugova, që vazhdonte fyerjet ndaj presidentit duke ia hequr edhe foton nga holli i Kuvendit dhe më pas edhe nga presidenca e Kosovës, për disa ditë sa ishte ushtrues detyre, duke treguar tërë mllefin meskin të vogëlsisë së tij shpirtërore dhe fizike. Ai nuk ka pse urren tash mediat për akuzat që i bëhen nga miqtë e tij të deridjeshëm sepse me besnikërinë dhe thjeshtësinë maksimale e kanë përcjellë çështjen.
“Gjatë gjithë periudhës së luftës çlirimtare në Kosovë, strategjia serbe ishte e përqendruar në njollosjen e saj. Këto përpjekje ishin shumëdimensionale dhe gjithëpërfshirëse”, deklaron kryetari i Kuvendit Jakup Krasniqi.
“Kjo strategji u intensifikua sidomos pas tërheqjes së forcave okupuese nga Kosova. Njollosja e personaliteteve më të shquara të UÇK-së, duke filluar që nga Komandanti i saj Legjendar, Adem Jashari, e deri te ushtarët e thjeshtë kishte për qëllim të relativizohen krimet e shtetit serb ndaj popullit shqiptar në Kosovë.
Ditëve të fundit, kur edhe mediat serbe, në të njëjtën shkallë si ato të vendeve tjera ballkanike dhe më gjerë, publikuan dëshmitë tronditëse të policit serb, Sllobodan Stojanoviq, se gjatë luftës në Kosovë kokat e shqiptarëve të vrarë janë prerë dhe nga kafkat e tyre janë bërë llamba tavoline, çohen argatët e rinj të politikës së vjetër serbe dhe publikojnë në portalet në gjuhën shqipe gënjeshtrën për gjoja implikimin tim në ‘prerje flokësh’ dhe ‘prerje buzësh’ të të burgosurve nga UÇK-ja!
Të gjithë e dinë se këto shkrime skandaloze, që nga titulli e deri te përmbajtja, nuk kanë asgjë të vërtetë. Edhe përpiluesit dhe shpërndarësit e këtyre dezinformatave e dinë këtë gjë!
Qëllimi i vetëm i tyre është të relativizohet krimi serb ndaj shqiptarëve në Kosovë! Në kontekstin e fundit, qëllimi imediat i strategjisë serbe dhe argatëve të tyre është të harrohen llambat e tavolinës nga kafkat shqiptare! Megjithatë, sado që të përpiqen ta zhvendosin vëmendjen, kafkat e shndërruara në llamba hedhin dritë mbi mizoritë serbe në Kosovë!”, përfundon deklarata e Jakup Krasniqit. / Shqiptari
Bota Sot

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31