Lira e shtypit dhe vrasja e gazetarëve

Lira e shtypit dhe vrasja e gazetarëve

Fidan Morina


Prishtinë, 4 maj



Dita Botërore e Lirisë së Shtypit u shënua edhe këtë vit pa zbulimin asnjë prej vrasjeve të gazetarëve të gazetës “Bota sot” Bekim Kastratit e Bardhyl Ajetit!

Asamblea e Pergjithshme e Kombëve të Bashkuara përcaktoi 3 majin si Ditën Botërore të Lirisë së Shtypit. Ky vendim u murr në përpjekje për të vetëdijesuar njerëzit mbi rëndësinë e lirisë së të shprehurit dhe për ti përkujtuar detyrimin për të mbrojtur këtë të drejtë siç parashihet në artikullin e 19 të Deklaratës Universale të të drejtave të njeriut.
Sipas një raporti të Human Right Watch edhe gjatë këtij viti ka pasur raste në forma të ndryshme të dhunës ndaj gazetarëve pothuaj në të gjitha vendet e botës.
I pyetur nga “Bota sot” se cila është gjendja e sigurisë së gazetarëve në Kosovë, zëdhënësi policisë Arbër Beka, thotë se kanë pasur raste të kërcënimeve të disa gazetarëve që i mbulojnë fushat specifike. “Kemi raste të kërcënimeve që janë raportuar, por këto nuk janë të shpeshta. Këto janë raste të rralla por policia i trajton me shumë seriozitet këto raste dhe çmon punën dhe rëndësinë e punës së gazetarëve në Kosovë”, shton Beka.
I pyetur se deri ku kanë shkuar rastet e vrasjes së gazetarëve që janë vrarë në periudhat e pasluftës, konkretisht vrasja e gazetarëve të gazetës “Bota sot” Bekim Kastrati e Bardhyl Ajeti, zëdhënësi Beka tha se “nuk ka dosje të mbyllura apo të vjetra. Policia e Kosovës gjithmonë i trajton rastet e vrasjes varësisht bazë të informatës që pranon, varësisht edhe në bazë të hetimeve në bashkëpunim edhe me prokurorët”. Zëdhënësi Beka u bënë thirrje të gjithë qytetarëve të cilët kanë ndonjë informatë jo vetëm për vrasje ndaj gazetarëve të vrarë por edhe çfarëdo vepre tjetër penale të kontaktojnë me autoritetet e policisë.
3 Maji është shpallë si Ditë Botërore e Lirisë së Shtypit. Kjo liri e shtypit është. Më 19 tetor të vitit 2001 në mbrojte të lirisë së shtypit u vra Bekim Kastrati, ndërkaq me 2005 edhe Bardhyl Ajeti gazetarë të gazetës kobmëtare "Bota sot". Ndërkaq sot vrasësit edhe sot e kësaj dite shetisin të lirë.