REAGIM NGA HAFIZ GAGICA:Vazhdon lufta speciale kundër presidentit historik, Dr. Ibrahim Rugovës..!?

nga **Agim Gashi** Wed Feb 26, 2014 3:54 pm

REAGIM NGA HAFIZ GAGICA:Vazhdon lufta speciale kundër presidentit historik, Dr. Ibrahim Rugovës..!?

Njëri nga spekuluesit e radhës kundër presidentit të ndjerë Dr. Ibrahim Rugova, mbrëmë në emisionin “Pa Rrottlla” na u paraqit edhe Sadri Ramabaja, i cili hodhi në opinion një spekulim të ri dhe krejtësisht të fabrikuem, me qëllim për ta dezinformue opinionin e gjerë shqiptar, shumica absolute e të cilit për 25 vite rresht e ka përkrah dhe vazhdon ta mbështetë filozofinë politike dhe kombëtare të presidentit tonë historik.
Në cilësinë e bashkëpunëtorit, por edhe të bashkë organizuesit të ardhjes së presidentit Ibrahim Rugova nga Italia në Gjermani si dhe vizitave tjera në shtetet perëndimore, distancohem dhe e hudhi poshtë spekulimin e Sadri Rmabajës si dhe shpifjet e gjithë atyre të cilët vazhdojnë me luftën speciale kundër presidentit Rugova edhe për së vdekuri të tij.
Po ashtu, është shpifje e kulluar spekulimi i tij imagjinar, se gjoja Perëndimi në aeroportin e Romës e paskësh marrë peng presidentin Rugova që mos të deklarohet kundër UÇK-së, ngase unë kam qenë bashkë organizues me ndërkombëtarët për ardhjen e tij në Gjermani, por edhe si dhe shoqërues i presidentit, asnjëherë dhe në asnjë rrethanë ai nuk është trajtuar si “peng” nga perëndimorët siç spekulon S. Ramabaja, i cili në emisionin e gazetarit të RTK-së, Milaim Zekës, tha se “Rugova në aeroportin e Romës ishte marrë peng nga perëndimorët për të mos u deklarue kundër UÇK-së në Romë..!, një gënjeshtër kjo ogurzezë dhe e pa kapshme për një njeri që ligjëron në Universitet..!?
Shtrohet pyetja, nëse ky “profesor” manipulon opinionin duke i ofrue fakte të rrejshme për presidentin e parë të Kosovës së lirë, Dr. Ibrahim Rugovën, si mund t’i besojnë studentet ligjëratave të tij, kur i njëjti shpif me kaq ironi dhe urrejtje kundër liderit nacional dhe figurës më emblematike të shqiptarëve në tri dekadat e fundit ?!
Unë kam qenë në Romë si dhe në konferencën e parë për medie pas lirimit nga pengmarrja e Rugovës, nga rexhimi i Millosheviqit dhe më pas jam marrë edhe me përgatitjen e ardhjes së tij në Bonn. Andaj, kërkoj nga S. Ramabaja që të kërkon falje publike për spekulimin e tij që e bëri mbrëmë në mediumin publik të Kosovës..!
Dr. Ibrahim Rugova, në konferencën për shtyp në Romë ka kërkue me ngulm intervenimin tokësor të NATO-s për shpëtimin dhe mbrojtjen e asaj pjese të popullatës shqiptare që kishin mbetur brenda në Kosovë.
Ndërsa, për deklaratat e tij rreth LDK-së dhe rolit të saj historik nuk ka nevojë të thuhet këtu më shumë, sepse ato janë të njohura për opinionin.

Hafiz Gagica

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30