DEMAÇI: FARKISTET E FARK’UT KANË RRASË PARATË E BUKOSHIT DHE KANË TREDHUR MIZA NË PERËNDIM

nga **Agim Gashi** Wed Apr 09, 2014 11:48 am

DEMAÇI: FARKISTET E FARK’UT KANË RRASË PARATË E BUKOSHIT DHE KANË TREDHUR MIZA NË PERËNDIM

Ekziston Marrëveshja e Oslos për ta ndihmuar luftën e udhëhequr nga Ushtria Çlirimtare e Kosovës. S'kemi folur asgjë për FARK'un. Bujar Bukoshi dhe disa të tjerë pas dështimit për ta kontrolluar UÇK'në u munduan të themelojnë FARK'un.

Adem Demaçi e ka konfirmuar se ekziston Marrëveshja e Oslos e arritur me Ahmet Krasniqin për ta ndihmuar luftën e Ushtrisë Çlirimtare të Kosovës.

Por, Demaçi ka thënë se s'ka pasur kurrfarë marrëveshje për FARK'un.

"Mbledhja e Oslos ekziston. Mbledhja e Oslos është mbajtur me qëllim për ta ndihmar UÇK'së dhe Qeveria e Bukoshit me dhanë parë dhe bashkërisht me ndihmue kryengritja e cila është zhvilluar në Kosovë nën udhëheqjen e UÇK'së", ka thënë Demaçi.

Krahu politik i Ibrahim Rugovës i përfaqësuar nga Bujar Bukoshi dhe zyrtarë të tjerë të LDK'së kanë insistuar se Marrëveshja e Oslos ishte bërë për t'i vënë nën UÇK'në nën komandën e Forcave të Armatosura të Kosovës.

Ndërsa, krahu u luftës, të cilin e kishte përfaqësuar Adem Demaçi japin një version tjetër se në Oslo ishin marrë vesh për ta ndihmuar luftën e UÇK'së dhe se aty s'ishte diskutuar për FARK'un.

Megjithëkëtë, para katër ditësh, Xhavit Haliti, në Kuvendin e Kosovës ka thënë se s'ka ekzistuar asnjëherë marrëveshje e Oslos dhe se s'ka pasur kurrfarë FARK'u në luftë.

Pas kësaj deklarate, Anton Quni i LDK'së tha se ka ekzistuar edhe Marrëveshja e Oslos, edhe FARK'u i udhëhequr nga Ahmet Krasniqi, i cili ishte vrarë në shtator të vitit 1998 në Tiranë.

Quni tha se për Oslon duhet të flasë Adem Demaçi, i cili thotë se s'ka asgjë të shkruar nga ajo marrëveshje përveç asaj që janë pajtuar për ta ndihmuar UÇK'në.

"Kur kemi biseduar ne fjala ka qenë vetëm për me ndihmue UÇK'në. Për FARK e për 'Ç'FARK' nuk është bërë fjalë hiq. S'ka ekzistuar hiq FARK'u", ka thënë Demaçi.

"Krejt këto konstruksione që po i bëjnë për FARK'un janë dëshira që atyre që kanë rrasë paratë e Bukoshit dhe kanë tredhur miza në perëndim. Janë vonuar. Ndoshta kanë mendime të mira ata por janë vonuar".

Sipas Demaçit, Bujar Bukoshi pasi ka dështuar për ta kontrolluar UÇK'në bashkë me disa të tjerë kanë tentuar të themelojnë FARK'un.

"Kur i dështoi mundësia Bukoshit me shti nën kontroll UÇK'në me anë të parave - unë jap para, ju luftoni dhe unë vijë e bëhem çlirimtar - atëherë u kthyen dhe u kapën me Tahir Zemajn oficerin e KOST'it të Serbisë dhe u munduan të formojnë njëfarë FARK'u, i cili dihet se si përfundojë. Erdhën me luftue ikën dhe i lënë 600 e kusur të plagosur në fushëbetejë dhe i lanë më mijëra armë nëpër fusha", ka shtuar ai./Express/

Postuar nga Lajmonline: 18:24; 15/3/2014

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31