Buzhala: Kam frikë se Uka po mbahet në burg, nga fakti se është djali Rugovës

nga **Agim Gashi** Tue Jun 24, 2014 1:53 am

Berat Buzhala, ish deputeti i PDK-së, thotë se Ukë Rugova duhet të lirohet nga burgu dhe të mbahet në arrest shtëpiak, duke shtuar se në një vend normal paraburgimi është instanca e fundit.
“Jo qe nuk me preku postimi i Teuta Rugovës, për vellaun Uken. Nuk lëkundem aspak prej qëndrimit se veç fakti pse Uka është djali i Rugovës nuk është kurrfarë argumenti qe ai me u trajtu me mire se te dyshuarit tjerë. Por nuk do te duhej te ishte as e kundërta”, ka shkruar Buzhala në Facebook.
Ai ka shkruar tutje se fakti pse ai është djali i Rugovës nuk duhet me u përdorë si rrethane renduese ne procesin kundër tij.
“E kam frikë se një gjë e tillë është duke ndodhur. Nëse paraburgimi është mjeti i vetëm ligjor për me e siguru pjesëmarrjen fizike te dikujt atëherë kjo është tepër shqetësuese. E burgu shtëpiak? E konfiskimi i dokumenteve te udhëtimit? E kaucioni?”, pyet Buzhala.
Sipas tij, Uka është afër me e thy rekordin për kohëzgjatje në paraburgim.
“Në fakt pata lexu qe edhe një përpara tij, një qytetar normal, e patën harru ne paraburgim përtej afateve ligjore. E edhe Uka. Në vende normale përnjëmend paraburgimi është instanca e fundit. Dhe përdoret veç në raste ekstreme. Ne vendin tonë është instanca e parë, e sidomos kur bëhet fjale për njerëz qe nuk kanë kurrfarë peshe politike. Lëshojeni more njerin në arrest shtëpiak, e mandej dënojeni aq sa i ka hy në borxh shoqënisë”, ka shkruar në fund Buzhala.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30