PREND BUZHALA:NË VEND TË HOMAZHIT NË 70-VJETORIN E LINDJES SË IBRAHIM RUGOVËS

nga **Agim Gashi** Tue Dec 02, 2014 10:45 pm

PREND BUZHALA:NË VEND TË HOMAZHIT NË 70-VJETORIN E LINDJES SË IBRAHIM RUGOVËS

Që nga viti 1968 ende e ruaj shkrimin e Ibrahim Rugovës, me titullin "Plaku MJEKËRBARDHË", kushtuar ISMAIL QEMALIT dhe Ditës së Pavarësisë së Shqipërisë, të botuar tek gazeta e studentëve të Prishtinës, më 28 nëntor 1968.
Çudi, Ismail Qemali vinte si njeri e zyrtar i Regjimit Okupues Turk, e shkonte drejt e në Vlorë. E pritën të gjithë. Askush nuk e akuzoi atëherë për tradhtar, pse nuk e kishte shkrepur asnjë plumb kundër Perandorisë a të tjerëve pushtues, apo si tardhtar nuk i përkiste krahut luftarak të Luigj Gurakuqit apo fesë së krishterë të priftit kryengritës dom Nikollë Kaçorrit, besim i dhunuar nga pushtuesit... Ismail Qemali la dhe një raditë të KONSESUSIT SHQIPTAR: që në qeverisjen e tij të përfaqësohen krahinat dhe shqiptarë të shquar të gjitha përkatësive fetare.
Shumë dekada më vonë atë rol e mori vetë Ibrahim Rugova, që me të drejtë quhet president historik, me vizion historik, sepse historinë e bëjnë njerëzit dhe ... Dhe këtë KONSENSUS ISMAILQEMALIAN Ibrahim Rugova e çoi më tutje... Të tjerët, në Kosovë, që erdhën pas tij, e shkatërruan gato krejtësisht këtë konsensus! Nuk mbeti më gjë as nga ajo frymë rugoviane e as nga ajo e Ismail Qemalit.
Njerëzit kanë të drejtë të mos jenë pjesëtarë të një partie a të një lëvizjeje politike kombëtare apo të një lëvizjeje kombëtare të armatosur dhe të shprehin nderim për figurat kryesore historike...
(Në foton më poshtë: një grup veprimtarësh të Klinës, në vjeshtë 1999, vizitë presidentit Rugova në Prishtinë, janë edhe tre të tjerë që nuk janë më në jetë (Ismet Rraci i pari nga e majta, kryetari i parë i komunës së Klinës, i zgjedhur me votën e lirë, Hatixhe Berisha -veprimtare e dalluar dhe Ymer Dushi, i parafundit nga e djathta)... Prandaj, homazhi iu shkon edhe këtyre figurave që i dhanë emër e shenjë Klinës)...

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31