LDK në Gjermani kundër nominimit të Haradinajt kryeministër

nga **Agim Gashi** Tue Jul 08, 2014 3:39 pm

LDK në Gjermani kundër nominimit të Haradinajt kryeministër

Një pakënaqësi e hapur në adresë të lidershpit të LDK ka ardhur nga dega më e madhe e kësaj partie jashtë vendit, në Gjermnai. Përmes një letre drejtuar liderit, Mustafa, strukturat partiake të kësaj dege kontestojnë mënyrën dhe metodologjinë e bërjes së koalcioinit LDK-AAK_NISMA, sidomos nomnimin e Ramush Haradnijt për kryeministër.

Më poshtë po japim letrën e plotë të degës së LDk, në Gjermani, nënshkruar nga kryetari i saj Qazim Bajgoraliu:

Krysisë qendrore të LDK-së
Kryetarit z. Isa Mustafa

I nderuar z. kryetarë Mustafa,
të nderuar anëtarë të kryesisë qendrore të LDK-së,
Kryesia e LDK-së, Dega në Gjermani, e konsideron të papërgjegjshme kontrabandimin e votës dhe besimin e elektoratit të LDK-së, për të mundësuar koalicionin qeverisës LDK-AAK-NISMA, të mbështetur nga VV, me kryeministër Ramush Haradinajn dhe me njerëz, sikur janë Fatmir Limaj, Jakup Krasniqi, Rexhep Selimi, e të tjerë të padëshiruar nga elektorati i LDK-së.
Lidershipi i LDK-së po bënë gabimin e vet të radhës, i cili është fatal për të ardhmen e LDK-së në veçanti dhe të Kosovës në përgjithësi.
Pasi LDK-së iu hakmorën gabimet e bëra, si anashkalimi dhe injorimi i shumë figurave kontribuese të LDK-së dhe të proceseve shtetëformuese, qasja politike e liderit të LDK-së dhe e LDK-së në përgjithësi, në raport me zhvillimet politike në këtë mandat të LDK-së si partia më e madhe opozitare, pa alternativë të kjartë, duke mos mbajtë premtimet e proklamuara, si reforma zgjedhore, shkurtimin e mandatit të qeverisë Thaqi, zgjedhjet e parakohëshme parlamentare e presidenciale dhe në vendë të shkarkimit të qeverisë Thaqi, LDK inicioi shkarkimin parlamentit të Kosovës, si veprim i pashembullt në historitë parlamentare. LDK nuk kishte qasje të kjartë dhe të vendosur në raport me fusnotën, me ligjin për amnistinë, për negociatat e Kosovës dhe Serbisë, nuk pati guximin as politik dhe as intelektual të kundërvënies së të gjitha të kqijave, që, Hashim Thaqi dhe qeverisja e tijë i sollën popullit të Kosovës dhe si pasojë e gjithë kësaj anomalie politike, fitohej përshtypja se, LDK dhe lideri i sajë, janë në një koalicion të fshehtë dhe të pashpallur me Hashim Thaqin, pra para ardhjes në krye të LDK-së, pse gjithë ai guxim për ta sulmuar PDK-në dhe Hashim Thaqin, pas marrjes së LDK-së, nuk e hasim guximin kritik kundër PDK-së dhe qeverisë Thaqi, apo ishte qëllimi të merrej LDK dhe të mos kritikohej e kundërshtohej Thaqi e qeverisja e tijë dhe si pasojë nuk u arrit të fitohen zgjedhjet dhe tani po ngutet të bëjë gabime të tjera të radhës, të cilat do të jenë të pariparueshme për LDK-në, për një të ardhme të gjatë.
Pas shpalljes së rezultatit preliminarë të zgjedhjeve nacionale, lidershipi i LDK-së u ngutë për të treguar papjekurin e tyre politike dhe shtetndërtuese. Kështu që LDK, jo vetëm që nuk ka shenja të reformohet por po deformohet e degradohet dhe po largohet nga rruga dhe vizioni Rugovian i shtetndërtimit. Kryetari Isa Mustafa dhe Kryesia qendrore e LDK-së, po kontrabandojnë votën dhe besimin e elektoratit të LDK-së, duke tjetërsuar në mënyrë indirekte këtë votë, për të sjellë në pushtet një kryeministër dhe njerëz në qeveri, të cilët me votë u ndëshkuan si partia e katërt dhe e pestë, që nuk janë hiq më të mirë se sa Thaçi.
Kryetari Isa Mustafa, duhet të mbajë fjalën e dhënë, se nuk do të negocioj për asnjë çmim mandatin e udhëheqjes së qeverisë nga LDK, duhet të mbaj zotimin se do të luftoj krimin e organizuar, se do t´i zbardh të gjitha vrasjet politike, që në të vërtetë, me këtë koalicion bënë rehabilitimin e aktorëve kryesor dhe bëhet bashkëpjesëmarrës në këto vrasje.
Në rast të pamundësisë të themelimit të qeverisë nga koalicioni fitues i këtyre zgjedhjeve, LDK duhet të presë afatin kushtetues, si parti e dytë, e cila duhet të nominohet për formimin e qeverisë me kryeministër të nominuar nga radhët e LDK-së. Nëse LDK nuk arrin të formoj qeveri me kryeministër nga radhët e sajë, atëherë të qëndroj në opozitë dhe të luftoj krimin dhe të keqen nga opozita dhe jo të pamundësoj luftimin e krimit dhe të kontrabandës, duke qenë bashkëpjesëmarrëse dhe kontribuuese me njerëz që Kosovën e kanë sjellë në këtë gjendje.
LDK dhe lidershipi i sajë, duhet të tregojnë pjekuri politike e shtetndërtuese dhe të mos sjellë në pushtet njerëz me bagazh të dyshimtë dhe të papranueshëm për popullin e Kosovës dhe për bashkësinë Europiane e ndërkombëtare. Për këtë, ditë më parë, tërhoqi vërejtjen dhe shprehu shqetësimin, në mënyrë shumë të prerë dhe miqësore, mikja e madhe e Shqiptarëve dhe e çështjes së Kosovës znj. Doris Pack, e cila ndër të tjera shkroi: „Unë jam duke ndjekur me shqetësim zhvillimet në Kosovë. A është LDK e vetëdijshme për rreziqet?“… LDK, nuk guxon të sjellë veten në gjendjen aventureske, joserioze, për të qenë nën ndikimin e partive minore dhe të njerëzve të shantazhuar, me të cilët do të ndërtohej qeveria Haradinaj, e as nën ndikimin e VV, e cila deri dje quante AAK-në dhe Ramush Haradinajn, njerëz të haraçit dhe tani i mundëson për të qenë kryeministër i Kosovës. Pra, sa joserioze është VV, e cila tani po mundëson që haraçi të institucionalizohet nëpërmjet institucioneve të shtetit të Kosovës. LDK dhe strukturat e sajë, duhet të analizojnë mirë veprimet dhe qëndrimet e sajë, shkaqet e mosfitores së sajë në tri palë zgjedhje, për të dalë fitimtare, jo vetëm për hir të LDK-së, por për të ardhmen e shtetit të Kosovës dhe të qytetarëve të sajë.

Kryesia e LDK-së, dega në Gjermani, Bonn-Gjermani, 07.07.2014
Kryetari, Qazim Bajgoraliu

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30