Arrihet “koalicion” mes Thaçit, Haradinajt dhe Isa Mustafës: Gjermania…

nga **Agim Gashi** Tue Jul 08, 2014 9:11 pm

Arrihet “koalicion” mes Thaçit, Haradinajt dhe Isa Mustafës: Gjermania…

Nuk bëhet fjalë për një koalicion të vërtet politik. Por, për një koalicion mendimesh të përbashkëta mes liderëve politikë që ka kohë që po ballafaqohen për krijimin e qeverisë, por që si duket pajtohen në një pikë: Gjermania fiton sonte ndaj Brazilit.

Ndeshja e së martës në mes të titanëve të Futbollit, Gjermanisë dhe Brazilit, në kuadër të gjysmëfinales së kampionatit botëror, i cili po mbahet në Brazil, ka zgjuar kërshërinë edhe të krerëve të partive politike.
Përveç të parit të Lëvizjes Vetëvendosje (VV), Albin Kurti i cili nuk ka ndonjë preferencë të veçantë për asnjërën nga dy ekipet, liderët tjerë do të bëjnë tifo për të përzgjedhurit e Joachim Low, raporton Telegrafi.
Kreu i Partisë Demokratike të Kosovës (PDK), Hashim Thaçi, deri më tani ekip të preferuar e ka pasur kombtaren zvicerane, mirëpo me diskualifikimin e saj, ai tash e tutje do ta mbështes ekipin gjerman.
Tifozllëkun për “Pancirët” në ballafaqimin me ekipin nikoqir të këtij botërori, nuk e ka fshehur as liderët e Aleancës për Ardhmërinë e Kosovës (AAK), Ramush Haradinaj dhe ai i Lidhjes Demokratike të Kosovës (LDK), Isa Mustafa.
Ndryshe, sonte do të zhvillohet ndeshja në mes të Gjermanisë dhe Brazilit, e që njëherësh nga njohësit e futbollit konsiderohet edhe si “finale para finales”. /Telegrafi/

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30