Gëzim Mekuli:T'marroftë Zoti, Hashim!

nga **Agim Gashi** Sat Oct 04, 2014 8:34 pm

Gëzim Mekuli:T'marroftë Zoti, Hashim!

Hashimi e di se gjuha është shndërruar në mjet të fuqishëm për të ndikuar tek populli.
Fjalë kundërthënëse e kundërvepruese tha HTH me familjei, sot për festën e Bajramit. Retorika mashtruese e tijë ishte sulmuese dhe ofenduese. Edhe në ditën e Bajramit. Aspak e cuditshme kjo! Sepse politikanët dhe njerëzit e sojit të tijë kanë nevojë për dukje, prezencë dhe për të qenë i pari. E këtu, në ndihmë po i dalin mediat, qofshin ato pamore, të dëgjuara apo qofshin këto edhe mediat sociale.
Ja cfarë tha sot Hashimi për Bajram. Ja, se si e shfrytëzon fenë, median, dhe pozitën e tijë "HTH me familje":
Citoj:
"Urojmë të gjithë besimtarët myslimanë gëzuar Kurban Bajramin duke ju dëshiruar paqe, shëndet dhe begati në familjet tuaja. Ftoj për edhe më shumë solidaritet me njëri-tjetrin, sidomos me të varfërit, dhe më shumë bashkim dhe dashuri për njëri-tjetrin. HTH me familje"
Hashimi po luan dhe po shfrytëzon religjionin/fenë dhe ndjenjat e popullit për qëllime përsonale/familjare, pra përmes Bajramit dëshiron të "meremeton" karakterin, veprimet dhe karrieren e tijë. Përmes retorikës ndërtuese Hashimi provon të duket sa më "afër popullit" dhe "sa më njerëzor".
Ndërtoj apo varrosi personalitetin e tijë?
Hashimi përmes facebook-ut uron e dëshiron "paqe" për popullin, Paqe për familjen?
Mora fjalorin e gjuhës se sotme shqipe dhe i hodha një sy domëthenjes së fjalës "Paqe". Ja cfarë thoshte këtu për fjalën "paqe": "Marrëdhënje të mira ndërmjet njerëzve, pa grindje e pa armiqësi..."
A është e mundur që, ai që shkakton grindje e armiqësi, të na uron e të na dëshiron "paqe" e "qetësi"? Jo e logjikshme! E pamundur!
HTH me familje, sot, për Bajram, na uron e na dëshiron "shëndet". Shëndet për fëmijët, për popullin?
Retorika në sulm e "HTH me familje" përqendrohet tek "jeta" dhe natyrisht tek "shëndeti i popullit". Fjala e fjalia e tijë tenton të na bindë, se ne kemi nje ish-kryeminstër që preokupohet për shëndetin e këtij populli, për shëndetin e fëmijëve të këtijë populli. Por, fjalia e tijë shkakton nervozizëm, pakënaqësi e dhimbje. Shkakton lot e ta vret zemrën kur kupton se qëllimi i sajë është manipulimi dhe "shitja e tijë" tek publiku.
E kush është më i sëmurë e më pak shëndet sesa populli i Hashimit? Sa fëmijë të sëmurë nga kanceri "po presin në rresht" për të vdekur? Sa nëna e gra po vdesin në mungesë të shëndetit e në mungesë të shtettit? Sa pensionist po vdesim në vetmi e në mungesë të trajtimit të sëmundjeve të pleqërisë.? Po ma vret zemrën e shpirtin kur kujtoj fjalët e një miku të babit tim: "Xhepat plot recepta i kam o Gëzim, s'kam mundësi të blejë medikamentet që më përshkruan mjeku. I fus në xhep, po, e i ndrydhi fort e fort me grushtin e plogësht në xhep. Më mbushet xhepi plot receta, o Gëzim. Me cka, me cka ti blejë..."
Përdorimi i shprehjeve të zgjedhura, për Bajram, nga Hashimi nuk është i pafajshëm dhe i rastësishëm. Ky njeri tenton që t'ia mbush mendjen popullit se ai është duke menduar për popullin dhe familjen. Pra, përmes ndihmës së gjuhës, të ndikoj tek familja e populli.
"HTH me familje", sot, për Bajram, na uron e na dëshiron "begati". Shpalosa përsëri fjalorin e gjuhës së sotme shqipe dhe i hodha një sy fjalës "begati". Ja cfarë thoshte, këtu, fjalori për fjalën "begati": Të pasurit me shumicë të gjithckaje; jetë me të mira të shumta e të qëndrueshme, mirëqënje, bollëk..."
Si mund të na uron Hashimi "begati", "jetë të mirë e me bollëk", kur është po ky nHashim, i cili përmes veprimeve të tijë varfëroj, ç'nderoj, e zhvleftësoj vet "Jetën" si koncept, filozofi, e si biologji. Si është e mundur që kjo fjali të shkruhet e të mendohet nga ai, ku fëmijët e popullit të tijë vdesin për mos shëndetësi e varfëri?
Secila fjali e tijë është e mbushur me "mirëqenje", "butësi" dhe me "humanizëm". E, ku, "familja" është kryeshigjetimi i tijë. Kjo strategji retorike është karakteristike e veçantë dhe dalluese e retorikës ndërtuese e mashtruese.
Qëllimi i "urimit" dhe "përgëzimit" të Thaçit, për Bajram, është të "bëjë" për vete familjen time e tënde, të ndikoj tek ne, populli. Sepse festat fetare janë edhe familjare. Pa familje festa s'ka kutptim. Por, përsëri pyetja e madhe: Si mund të uroj të mira për familjen, ai që shkatërroj atë, ai që degjenerojë atë, ai që e varfëroj atë.
Fjalia dhe "urimi" i Thaçit ka elemente të propagandës. "Urimi" i tijë ndërton një botëkuptim, se "fuqia e tjë" është shpëtimi i shqiptarëve. Ky njeri, përmes këtijë "përgëzimi" tenton të paraqitet si "dorëdhënë" e "zemërgjërë", "i ndershëm e shpirtëgjërë". "Fisnik!"
Ky pretendon të ndërtojë një publik i cili nuk do të ishte në gjendje të shohë e të përdalloj dallimin në mes botës "së rrenave" dhe botës së të "vërtetave".
E vërteta për gjendjen e vështirë e të mjerë të popullit nuk mund të ndikohet dhe formësohet nga Hashimi, e vecanersisht jo për Bajram!

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31