“Hoteli” i tmerrit, seksit dhe drogës

nga **Agim Gashi** Wed Nov 19, 2014 11:41 am

Buzë parkut Karagaqi të Pejës, prapa palestrës së sporteve “Partizani”, ish “Hoteli Karagaq” sot është shndërruar në një objekt tmerri. Para luftës ka qenë një vend i adhuruar nga pejanët, kurse pas luftës në atë objekt për disa vite ka qenë e sistemuar komanda e Zonës së Tretë të TMK-së. Pasi janë larguar ushtarët, objekti ka mbetur i boshatisur pa asnjë siguri.
Ndërkohë objekti është demoluar në atë masë sa ai që nuk e di, nuk mund ta paramendojë se aty ka qenë dikur një hotel. Muret janë të dëmtuara, janë vjedhur të gjitha dyert dhe dritaret, nyjat sanitare e madje edhe rrethojat e hekurta. Kur i afrohesh derës së oborrit nis të zihet fryma nga era kundërmuese nga mbeturinat e llojllojshme të hedhura jashtë dhe brenda ndërtesës. Në disa dhoma në katin përdhes sillen qenë endacakë. Në të dyja katet dhomat duken sikur në secilën prej tyre ka shpërthyer nga një bombë, shkruan Tribuna.
Në mesin e terë këtij horrori para dy muajve ka hyrë të jetojë një familje lypsare pesë anëtarësh nga Peja e etnitetit egjiptas. Në një dhomë në katin e dytë të objektit, Leonard Berisha ka futur familjen e tij. Dritaren dhe derën e ka mbyllur me batanija dhe najlon që t’i mbrojë sadopak nga të ftohtit gruan, djalin pesë vjeç dhe dy vajzat, njëra dy vjeçe dhe tjetra foshnje tre muajsh. Në një skaj të dhomës një shporet i vjetër i cili luftonte me të ftohtit që futej përmes batanijes së shqyer.

BS

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30