Kur PDK dhe LDK ishin në bashkëqeverisje

nga **Agim Gashi** Fri Nov 21, 2014 12:07 am

Kur PDK dhe LDK ishin në bashkëqeverisje (Video)

Kur PDK dhe LDK ishin në bashkëqeverisje Kosovonew-2

PDK'ja dhe LDK'ja kishin qeverisur vendin edhe për një mandat veçse ai nuk ishte i plotë. Kjo pasi partia e Isa Mustafës atëbotë e drejtuar nga Fatmir Sejdiu e pati braktisur qeverinë.

Në vitin 2007 PDK dhe LDK ishin në koalicion të papritur në të cilin Hashim Thaçi u bë Kryeministër, post ky që e lakmonte që prej përfundimit të luftës.
Bashkëqeverisja iu kishte ecur mbarë por inatet që këto parti kishin mes vete dolën në pah shpejt.
Pa kaluar një vit në pushtet zëvendësministri i Tregtisë dhe Industrisë Naser Osmani dhe Ministri i Transportit Fatmir Limaj u përfshinë në një debat të pahijshëm në Parlament.
Kjo punë përfundoj me shkarkimin e Osmanit por koalicioni megjithatë nuk u lëkund, deri kur erdhi puna në privatizimin e PTK'së.
LDK refuzoi këtë gjë duke nxitur tensionet me partnerin e Qeverisë.
Pesë vjet më parë më 20 nëntor koalicioni u prish. Vendimi u mor dhe lajmi u dha nga një lokal nate në Prishtinë 'Zanzi Bari'.

Por të nesërmen partnerët thanë se koalicioni nuk është prishur.Qëndrueshmërinë e koalicionit e kishte konfirmuar edhe Thaçi.
Me një post të ngrirë në parti lideri i LDK'së Fatmir Sejdiu që ishte edhe President shteti, bëhej sikur nuk përzihej në punët e bashkëqeverisësve.
Por krisja e madhe ndodhi megjithatë, kur Fatmir Sejdiu u shkarkua nga posti i Presidentit, pasi u gjet se shkeli Kushtetutën.
Sejdiu me këtë rast ishte hartuar në Hashim Thaçin dhe PDK'në që nuk e kishin mbështetur.
Ai dha dorëheqje nga Presidenca dhe ky akt rezultoi edhe me prishjen e koalicionit pasi anëtarët e LDK'së u larguan nga ekzekutivi. Ata nuk u kthen më në Qeverinë e Hashim Thaçit për katër vjet.
Gjatë kësaj kohe u treguan të rreptë në raport me të dhe i thanë se nuk do të bashkohen më kurrë.
Por gjithçka ndryshoi të mërkurën mbrëma.
Një kumtesë e Presidencës ku Isa Mustafa e Hashim Thaçi u takuan në prani të Ambasadores amerikane bëri me dije se ata janë pajtuar për tu bashkuar në një Qeveri të re./KlanKosova/