U shënua 10-Vjetori i rënies heroike të Komandantit Rasim Kiçina

nga **Agim Gashi** Tue Jun 02, 2009 2:31 pm

U shënua 10-Vjetori i rënies heroike të Komandantit Rasim Kiçina

PRISHTINË,1 QERSHOR 2009-Në përvjetorin e dhjetë të rënies së gjeneral nënkolonel Rasim Kiçinës sot në Sallën e Kuqe në Prishtinë është mbajtur një Akademi Përkujtimore. Kryeministri i Republikës së Kosovës, Hashim Thaçi ka thënë se Rasim Kiçina ishte përfaqësues tipik i eprorit të UÇK-së që dallohej për solidaritet me ushtarin dhe qytetarin. Më 30 maj 1999 rënia e Rasim Kiçinës dhe e bashkëluftëtarit të tij Ragip Halilaj pa dyshim ishte humbje e madhe e UÇK-së, u tha në këtë Akademi Përkujtimore. Në dhjetëvjetorin e rënies, Kosova në mënyrë shtetërore dhe institucionale nderon emrin, jetën dhe veprën e Rasim Kiçinës.Me vendim të Presidentit, Rasim Kiçina nderohet me titullin Hero i Kosovës. Rasim Kiçina u dallua në kundërvëniet që brigadat e ZOD-it u bënë forcave serbe në ofensivat e vjeshtës 1998. Kiçina ka meritë të jashtëzakonshme në forcimin dhe organizimin e pikës luftarake “Guri”, e cila përfshinte ushtarë që do të sistemohen në kuadër të Brigadës 113 dhe në atë të njësitit komando, në kuadër të Brigadës 111. Pavarësisht se ishte epror i lartë në Zonën Operative të Drenicës, Rasim Kiçina nuk do të ndahej asnjëherë nga betejat. Ai do të jetë pjesëmarrës dhe frymëzues në shumicën e betejave dhe aksioneve që bënë pjesëtarët e Brigadës 113 dhe ata të Brigadës 111, dhe në territoret e brigadave tjera.
Hajdin ISLAMI

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30