Përgjegjës për situatën e krijuar është edhe ministri Buja, po aq sa veteranët

nga **Agim Gashi** Thu Dec 04, 2014 7:32 pm

Përgjegjës për situatën e krijuar është edhe ministri Buja, po aq sa veteranët

Në një qëndrim të dërguar mediave, Rexhep Gjergji i cili është shef i Departamentit te Matematikes ne UP ka thënë që këta protestues sot kanë marrë bajrakun e turpit, anarkisë dhe vetëgjyqësisë duke bërë përgjegjës Ministrin Ramë Buja

Në vijim reagimi i Gjergjit:

Situata para dyerve të UP-së sot është shqetësuse. Ata që veten e quajnë vlera të luftës dhe pjesë e luftës për lirinë dhe pavarësinë e Kosovës kanë marr në dorë bajrakun e turpit, bajrakun e anarkisë dhe të vetëgjyqësisë. Është shqetësuse të shohësh një grusht analfabetësh, profiter të luftës dhe të paqës, se si kanë vendosur të vënë standarde të reja akademike në Kosovë. Ata kanë vendosur të pamundësojnë përpjekjen e rektorit Zejnullahu për të vënë rend, ligj dhe standarde akademike në UP. Nëse të tillët realizojnë synimet e tyre, dyert e Kosovës në fushën e integrimeve europiane edhe në fushën e shkencës dhe arsimit të lartë do të mbyllen hermetikisht. Pas reportazhit të mbrëmshëm në RTK, në lidhje me këtë problematike, këta kapadai që e kalërojnë Kosovën si kalë pa zot, do të duhej të ishin para përgjegjësisë e jo te lihen të lirë dhe të pengojnë punën normale të UP dhe te japin ultimatume.
Luftëtarët e vërtetë për lirinë dhe pavërsinë e Kosovës angazhohen për rend, ligj, liri, zhvillim e demokraci të Kosovës.
Po kaq trishtuese është edhe sjellja e të ashtuquajturëve intelektualë të Kosovës të cilët me heshtjen e tyre e miratojnë këtë diktaturë që duan të vënë “vlerat e luftës” në Kosovë. Po e përsëris për të satën herë që rektorit te UP-se, prof Zejnullahut, i duhet mbështetje, që ti jepet mbështetje Kosovës.
Përgjegjës për situatën e krijuar është edhe ministri Buja i cili me koketimin e tij me këtë profil luftëtarësh i ka nxitur në anarki dhe rrugaqëri ndaj UP./BS

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30