AKR-ja vazhdon të kërkojë nga PDK-ja edhe një ministri

nga **Agim Gashi** Sat Nov 12, 2011 9:43 pm

AKR-ja vazhdon të kërkojë nga PDK-ja edhe një ministri

Marrëveshja e koalicionit qeverisës mes Partisë Demokratike të Kosovës (PDK) dhe Aleancës Kosova e Re (AKR), si duket ende nuk është sqaruar, edhe pse kanë kaluar nëntë muaj që nga nënshkrimi i marrëveshjes. Përderisa drejtuesit e AKR-së insistojnë të marrin edhe një ministri, zyrtarët nga partneri i koalicionit PDK mohojnë të ketë shkelje të marrëveshjes për ndarje të ministrive.

Arritja e marrëveshjes mes PDK-së, AKR-së, Listës Dr. “Ibrahim Rugova” dhe komuniteteve, kishte rritur edhe numrin e ministrive dhe të zëvendëskryeministrave. Nga kjo marrëveshje PDK-së ka nën udhëheqje 10 ministri, AKR-ja katër ministri, komunitetet gjithashtu katër ministri dhe Lista Dr. “Ibrahim Rugova” një ministri.

Zëvendëskryeministrja dhe njëherë nënpresidentja e AKR-së, Mimoza Kusari-Lila ka thënë se në lidhje me këtë çështje kryeministri, Hashim Thaçi dhe zëvendëskryeministri, Behgjet Pacolli janë në bisedime, dhe se kanë konfirmime nga partneri i koalicionit se marrëveshja do të respektohet.

E pyetur se cilën ministri e dëshirojnë, Kusari-Lila ka thënë se AKR-ja nuk ka specifikuar ndonjë ministri të veçantë, por sipas saj synim i kësaj partie është që të performojë sa më mirë dhe në interes të qytetarëve.

Shefi i Grupit Parlamentar të PDK-së, Adem Grabovci ka përjashtuar të ketë ndonjë mos marrëveshje ndërmjet partnerëve të koalicionit. Ai thotë se dy krerët e partive në koalicion i kanë ndarë dikasteret dhe deputetët vazhdojnë ta respektojnë marrëveshjen.

Për më tepër, ai thotë se nuk është dijeni për ndonjë marrëveshje të re eventuale, sipas të cilës AKR-së duhet t’i ndahet edhe një ministri.

Ndryshe, marrëveshja e koalicioni e nënshkruar më 19 shkurt të këtij viti, ka rritur kabinetin qeveritar nga dy zëvendëskryeministra në pesë dhe numrin e ministrive në 19. Kjo ka bërë që të kritikohet nga opozita dhe shoqëria civile për një kabinet më të madh qeveritar në rajon.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30