Thaçi i frikohet Vetëvendosjes

nga **Agim Gashi** Sat Dec 13, 2014 7:01 pm

Thaçi i frikohet Vetëvendosjes

Foto - Bota sot

Ish kryeministri i Kosovës, Hashim Thaçi, kësaj radhe është treguar më i kujdesshëm kur vjen fjala të llogaridhënia. Ai përmes nënkryetarit të tij në parti, tani kryetar i Kuvendit të Kosovës,Kadri Veselit, ka bërë çmos të shmangë sikletin që do të mund të kishte gjatë raportimit të tij në komisionin parlamentar të Kuvendit të Kosovës. Ky komision në legjislaturën e kaluar udhëhiqej nga lideri i Vetëvendosjes Albin Kurti, e për ish ministrin e Punëve të Jashtme Enver Hoxhaj, nuk ishte fare e lehtë dita kur duhet të raportonte në këtë komision.
Jeton Kelmendi, analist politik i tha Bota sot se edhe kësaj radhe Thaçi, dëshmojë se jo rastësisht është “gjarpëri”, sepse njëjtë me dinakëri bëri edhe ndarjen e resoreve tjera ku do të mund të ushtrojë pushtet.
“Zoti Thaçi nuk ka frikë nga dy partitë opozitare, partia e Haradinajve dhe partia e Limajt, por gjithsesi zoti Thaçi ka frikë nga Vetëvendosje e Albin Kurtit, për faktin se kjo lëvizje nuk ka ndonjë të metë , ose traditë pushteti dhe nuk ka ku të kapet që t’i akuzojë. Ai i quan ata të majtë dhe ata po e pranojnë se janë të majtë, prandaj këtu ka përdor një taktik, që nëse Vetëvendosje do të ndeshet, le të ndeshet me LDK-në, duke i lënë kështu Vetëvendosjes komisionin për legjislacion dhe mbikëqyrje të financave publike, meqë ky sektor udhëhiqet nga LDK-ja’, tha Kelmendi për Bota sot.
Njohësi të zhvillimeve politike, Nehat Hyseni i tha Bota sot se ndarja e komisioneve, si forume apo trupa punues të Kuvendit të Kosovës, të cilët kanë për detyrë dhe në kompetencë shqyrtimin paraprak të çështjeve të caktuara dhe pastaj ia përcjellë qëndrimin e vet Kuvendit, janë tejet të rëndësishëm. Prandaj, zakonisht në praktikën parlamentare të botës demokratike, drejtimi i tyre i lihet më tepër opozitës, në mënyrë që të shërbejnë si korrektues të vendimmarrjes së shumicës parlamentare, duke i siguruar hapësirë më të madhe për shprehje të qëndrimeve dhe opsioneve të veta lidhur me çështjet dhe përgjithësisht me punën e Kuvendit.
Por kjo nuk ndodhi kësaj radhe kur ministria e punëve të jashtme është në duart e Hashim Thaçit, dhe komisioni për politikë të jashtme po në duart e njerëzve të Thaçit.
“Tani, meqë ministër i punëve të jashtme është Hashim Thaçi, kryesimi i këtij komisioni i është dhënë PDK-së! Kjo praktikë është jodemokratike, meqë injoron rolin korrektues të pushtetit që ka opozita në shoqërinë demokratike. Pa opozitë të mirëfilltë, nuk mund të ketë demokraci dhe qeverisje të mirëfilltë dhe të përgjegjëshme’ tha Hyseni.
Analisti Nehat hyseni tha po ashtu se arroganca e shumicës qeverisëse aktuale, që u instalua më 8 dhjetor 2014, pas ngërçit politik gjashtëmujor, paraqet rrezik të madh she alarm për demokracinë parlamentare në Kosovë.
Sepse, pa i siguruar opozitës vendin e merituar në jetën parlamentare, nuk Ka demokraci të shëndetshme. Prandaj, shumica parlamentare, duke e shmangur rolin e opozitës, realisht, po e vret demokracinë!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30