Haziri e çon Kryeministrin Mustafa në Gjilan, te 'ushtarët e Ibrahim Rugovës'

nga **Agim Gashi** Sat Dec 20, 2014 11:49 pm

Haziri e çon Kryeministrin Mustafa në Gjilan, te 'ushtarët e Ibrahim Rugovës'

Kryeministri Isa Mustafa ka bërë një vizitë partiake sot gjatë ditës në Gjilan. Atje e ka çuar Lutfi Haziri, për ti takuar 'ushtarët e Ibrahim Rugovës'.

Derisa të gjitha strukturat e LDK'së në Gjilan, përfshirë kryesinë, nëndegët, Forumin e Gruas dhe Forumin e Rinisë, ishin duke mbajtur takim si çdo të shtunë të këtij viti, për vizitë befasuese ka ardhur Kryeministri dhe kryetari i LDK'së, akademik Isa Mustafa, i shoqëruar nga ministrat e Kabinetit, kryetarin e Podujevës, Agim Veliun dhe deputetë të LDK'së nga Gjilani.
Para strukturave të LDK'së, Mustafa ka siguruar Gjilanin dhe Anamoravën se do ta kenë kujdesin e qeverisë së Kosovës për zhvillimin në infrastrukturë, arsim, shëndetësi, në zbutjen e papunësisë, në zgjidhjen e problemit të varfërisë, në zhvillimin ekonomik dhe sundimin e ligjit, për të dalë faqebardhë gjatë dhe në fund të mandatit qeverisës.
Nga ana e tij, kryetari i Degës së LDK['së në Gjilan, Lutfi Haziri, ka falënderuar kryeministrin Mustafa për vizitën, duke thënë se strukturat dhe anëtarësia e partisë ka pritur gjatë që në ambientet e tyre të vijë kryeministri i LDK-së dhe kjo tashmë është realitet.
“E di që kohë të gjatë keni pritur që në zyrat dhe ambientet tona të vijë kryeministri i LDK-së. Sot, për dallim prej herëve të tjera, lideri ynë e ka kapitalizuar këtë kërkesë. Muajt e fundit, çdo javë jemi takuar me të gjitha strukturat për ta përcjellë këtë angazhim. Dua të theksoj se prej dhjetorit të kaluar e deri në këtë dhjetor, Gjilani i ka dy fitore të mëdha: e para që e kemi rikthyer qeverisjen në Gjilan dhe e dyta, falë angazhimit, edhe qeverisjen e LDK-së në nivel qendror me kryeministër Isa Mustafën”, është shprehur Haziri.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30