Hava Orana:A do e përfshij Mustafa FARK-un, në projektligjin për veteranët?

nga **Agim Gashi** Fri Jan 02, 2015 10:19 pm

Hava Orana:A do e përfshij Mustafa FARK-un, në projektligjin për veteranët?

Deputetët e Kuvendit të Kosovës e kanë miratuar Ligjin për Veteranët e Luftës së Ushtrisë Çlirimtare të Kosovës, gjatë muajit prill të vitit që e lëmë pas. Të gjithë deputetët e pranishëm në seancën e Kuvendit kanë votuar pro ligjit, ndërsa asnjë deputet s'ka votuar kundër. Pra, Ligji ka marrë 73 vota për, asnjë kundër dhe asnjë abstenim.
Mirëpo, ky ligj nuk i njeh si kategori ushtarët e FARK-ut, formacion ky i udhëhequr nga Qeveria e Bujar Bukoshit.
Por tani kur Qeverinë e ka marr lideri i LDK-së, Isa Mustafa, parti kjo që ka kërkuar të përfshihet në ligj edhe FARK-u dhe Ministria e Mbrojtjes, por që kjo atë kohë ishte kundërshtuar nga PDK, AAK dhe Vetëvendosja, a do të ketë ndryshime?
Ministri i Forcave të Sigurisë së Kosovës, Haki Demolli, nuk ka dashur ta komentoj këtë çështje.
Ish eprori i SHIK-ut dhe pjesëtari i UÇK-TMK-së, Naim Miftari thotë se jo vetëm Isa Mustafa, por çdo kryeministër tjetër dhe çdo zyrtar nuk duhet të ua humb mundin dhe sidomos as luftën gjakun çdo njeriut pasi dihet që UÇK dhe FARK-u kanë qenë një dhe kryesisht e kanë bërë djemtë dhe vëllezërit tanë që kanë derdh gjakun e vet që ne sot etë jetojmë në liri dhe jo sot me ligje t’i ndajmë apo t’i harrojmë ata njerëz të FARK-UÇK pasi kanë qenë një luftë një qëllim.
“Por fatkeqësisht për lufta si ata të UÇK si të FARK-ut luftën e tyre e kanë shfrytëzuar njerëzit që e kanë vjedh dhe e kanë sabotuar më së shumti vet luftën. Ata janë ''lideri'' politik i UÇK Hashim Thaqi dhe lideri i qeverisë Ekzil Bujar Bukoshi, ku Isa Mustafa edhe vet ka qenë ministër i financave, unë jam personalisht i mendimit se asnjë njeriut nuk duhet me ju mohuar dhe me tentuar ti humbet merita, djersa materiale por sidomos gjaku i derdhur të mos tenton kush ta humb dhe as ti ndan luftëtarët tanë. Nuk ka rëndësi a kanë qenë të FARK-ut apo të UÇK-së, ata kanë qenë luftëtar tanë, dëshmor tanë dhe bashkëluftuar tanë”, thekson Miftari.
Ai ka thënë po ashtu se Ministrisë së Mbrojtjes i është vrarë koloner Ahmet Krasniqi, kurse ministrat e UÇK-së, si Azem Syla u pasuruan dhe u bën milionerë.
“Mos harrojmë FARK-ut ju ka vra ministri i mbrojtjes Ahmet Kransiqi, kurse ''ministrit '' të pasluftës të UÇK-së, Azem Syla është gjallë dhe milioner, si i pasur ka dal pas skaj luftës duke mos harruar edhe ata që e përvetësuan për nevojat e veta personale fondin 3% dhe fondin “vendlindja thërret” dikun mbi 3,8 miliarda marka të cilat shumica kanë përfunduar në xhepat e liderëve të korruptuar që nuk kanë qajt hallin se ushtarët kanë vdekë pa municione, pa armë, pa ushqim, pa veshmbathje. Fatkeqësisht ata njerëz i kem edhe sot prezent në qeveri, parlament dhe në çdo lloj pushteti të shtetit tonë, ata matrapaz i kemi kryesor të shtetit, i kem pas që nga viti 1999 gjerë sot si të majtë, si të djathtë”, thotë Miftari për “Bota sot”.
Ai thotë po ashtu se “nëse tenton dikush të më bind se Adem Jashari , Ahmet Krasniqi, Salih Qeku, apo Agim Ramadani kanë qenë anëtar të LPK –së, pasi disa tentojnë të llogarisin si themelues të UÇK-së, atëherë këta njerëz duhet të shkojnë te psikiatri”.
“UÇK-ja ka lindur nga populli dhe themel i saj kanë qenë grupet e armatosura që kanë shkuar në Shqipëri në vitin 1991. Ademi, Zahiri, Salihu, janë themeluesit e UÇK dhe FARK-ut vet ku mos t’i mbesim hak, merita të jashtëzakonshme kanë Ukshin Hoti dhe Fehmi Agani, e shumë atdhetar, dëshmor dhe ish të burgosur politik duke mos harruar kontributin luftarak të ish LKQK”, thekson Miftari.
Ai në fund thotë se nuk duhet harruar liderin e PDK-së që luftën e përdor vetëm atëherë kur i duhen votat dhe fajet e tij ia gjuan dikujt tjetër.
“Mos harrojmë edhe veprimin e frikacakut liderit “politik'' të UÇK-së Hashim Thaçin, që luftën dhe luftëtarët e UÇK-së i përmend vetëm kur i duhen votat ose me ju gju fajësinë e tij dhe klanit të tij krejt dikujt tjetër, ndonjë ushtarit të pafajshëm, kurse Thaçi vet i cili herë deklaron se ka qenë pjesëtar i UÇK-së e herë jo, sidomos kur ka me jep vet ndonjë llogari para drejtësisë ndërkombëtare për krime të luftes. Ku u treten pensionet e veteranëve, i hëngri ujku? Që 15 vite bëhet loj ë me veteranë të luftës sime të UÇK-së, po asht u krahu tjetër luan me ish FARK-un”, përfundon Miftari.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30