Miratohet Ligji për Veteranët, përjashtohen ushtarët e FARK-ut

nga **Agim Gashi** Fri Apr 04, 2014 2:17 pm

Miratohet Ligji për Veteranët, përjashtohen ushtarët e FARK-

Anton Çuni: Serbia na njofti luftën tonë ndërsa kjo qeveri na përjashtoi

Ky projektligj është votuar pa praninë e deputetëve të Lidhjes Demokratike të Kosovës. Kjo kishte ardhur, pasi që amendamentet e ligjit nga 20 sa kishin gjithsej, pesë kanë qenë të LDK-së dhe asnjëra prej tyre nuk është votuar.

PDK, AAK dhe Vetëvendosje janë bërë bashkë kur është folur për FARK'un dhe UÇK'në. Asnjëra prej këtyre partive s'e ka përkrahur nismën e LDK'së që në ligj të përfshihet edhe Ministria e Mbrojtjes.

Deputetët e Kuvendit të Kosovës e kanë miratuar Ligjin për Veteranët e Luftës së Ushtrisë Çlirimtare të Kosovës.

Të gjithë deputetët e pranishëm në seancën e Kuvendit kanë votuar pro ligjit, ndërsa asnjë deputet s'ka votuar kundër.

Pra, Ligji ka marrë 73 vota për, asnjë kundër dhe asnjë abstenim.

Ligji për Veteranët e Luftës nuk i njeh si kategori ushtarët e FARK'ut, formacion ky i udhëhequr nga Qeveria e Bujar Bukoshit.

Me këtë rast, LDK ka kërkuar të përfshihet në ligj edhe FARK'ut dhe Ministria e Mbrojtjes, por kjo është kundërshtuar nga PDK, AAK dhe Partia e Albin Kurtit.

Në momentin kur ka ardhur në votim amandamenti i LDK-së për përfshirjen e ushtarëve që ishin nën ombrellën e Ministrisë së Mbrojtjes, kanë filluar debatet ndërmjet deputetëve që ishin pjesmarrës të drejtpërdrejt në luftën e Kosovës.

Deputeti i LDK-së Anton Çuni ka thënë ai ishte në front me njesitë e tija që nga viti ’98 dhe luftën që ai e ka bërë e ka “njohur” edhe Serbia për shkak të dëmeve të mëdha që i ka shkakatuar, ndërsa unifikimi me Shtabin e Përgjithshëm është bërë në vitin ’99, qka nënkupton se lufta njëvjeçare e njësitëve të Ministrisë së Mbrojtjes nuk do të njihet nga kjo qeveri.

Deputeti Rexhep Selimi tha se nuk do të pranoj të hyj në projektligj pa bashkëluftëtarin Anton Çuni, por sipas tij amandamenti i LDK-së është politik dhe nuk do ta mbështesë. Ndërsa deputeti Çuni ndërsa ka marrë fjalën përsëri është shprehur se si ushtarak është mirë që edhe pas votimit të gjithë deputetët të kenë guximin ta shikojnë në sy.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30