Kush është Hayat Boumeddiene, terroristja që mundi të arratisej në Paris?

nga **Agim Gashi** Sat Jan 10, 2015 2:57 pm

Kush është Hayat Boumeddiene, terroristja që mundi të arratisej në Paris?

Amedi Kulibali (Amedy Coulibaly), 32 vjeç, ishte me bashkëshorten e tij 26 -vjeçare, Hajat Bumedjen (Hayat Boumeddiene kur vrau policen bashkiake Klariza Zhan -Filip (Clarissa Jean -Philippe) të enjten në Paris. Ishin të dy të armatosur. Ata ishin sërish bashkë sot në supermarketin Kosher (Cocher) në Vinsenë (Vincennes). Kulibali, një senegalez me origjinë, ka qenë pjesë e rrjetit Byt Shomon (Buttes Chaumont), i cili dyshohej se rekrutonte dhe dërgonte të rinj francezë në Irak që prej vitit 2000.
Edhe vëllezërit Kuashi (Kouachi) ishin pjesë e të njëjtit rrjet, me bazë në Paris. Ashtu si vëllezërit Kuashi, edhe Kulibali frekuentonte Xhamel Begalin, (Djamel Bhegal), një terrorist i Al -Kaedës që e kishte bazën e tij në veri të Londrës, ku mësoi nga Abu Hamza.
Begal kishte rekrutuar edhe Riçard Reid (Richard Reid) dhe Zakarias Musaui (Zacarias Moussaoui), “pengmarrësi i 20” i sulmeve terroriste të 11 shtatorit.
I vetmi djalë i një familje që kishte 10 fëmijë, Kulibali u bë delinkuent në moshën 17 -vjeçare dhe u dënua disa herë për vjedhje dhe shpërndarje droge, për grabitjen e një banke në vitin 2002 në Orleans, në Loiret, përpara se të shndërrohej në një radikal.
Në vitin 2013 u dënua me 5 vjet burg për përfshirje në një tentativë për arratisje nga burgu të me Samain Ali Belkacem, një ish -anëtar i grupit islamik agjerian GIA dhe autor i sulmi terrorist mbi sistemin e transportit në Paris, në vitin 1995, në të cilin u vrarë 8 persona dhe u plagosën 117 të tjerë.
Vëllezërit Kuashi ishin arrestuar për përfshirje në këtë tentativë arratisjeje të Belkacem, por u liruan për mungesë provash.
Sipas gazetës Le Monde, Hajat Bumedjen ishte lidhur me Amedi Kulibalin që në vitin 2010 kur ai u arrestua për tenativën e arratisjes nga burgu.
Ai u dënua dhe Bumedjen e priti atë për 4 vjet. Më pas ata u vendosën në periferi të Parisit.
Cifti mësohet se në vitin 2010 e vizitoi Begalin në Cantal, jug të Francës, ku ndodhet në arrest shtëpie. Atë vit, oficeri i mbikqyrjes e fotografoi Begalin duke luajtur futboll me Sherif Kuashin dhe dy terroristë të tjerë, Ahmed Leduni (Laidouni), një rekrutues i xhihadit dhe Farid Melouk, një anëtar i grupit terrorist algjerian GIA.
E pyetur nga agjentët sekretë francezë në atë kohë, Bumedjen u tha atyre se Kulibali kishte shkuar atje për t’u praktikuar për të gjuajtur me hark.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30