Salihaj, ende nuk është shuar dëshira e SHIK-ut, për t`i hequr kokat e LDK-së

nga **Agim Gashi** Tue Mar 10, 2015 3:07 pm

Salihaj, ende nuk është shuar dëshira e SHIK-ut, për t`i hequr kokat e LDK-së

Deputeti i Lidhjes Demokratike të Kosovës, Adem Salihaj, vlerëson se në strukturat e SHIK-ut, ende ekzistojnë listat me emrat e anëtarëve të LDK-së, për të cilët përgatitej vrasja.
Deputeti Salihaj, në një prononcim për “Bota sot”, thotë se këto lista, qysh në kohën e luftës janë bërë publike, duke theksuar se shtabi i UÇK-së, kishte hartuar një listë listë fillestare për likuidimin e Presidentit Rugova dhe figurave më eminente të Kosovës.
“Listat për likuidimin e figurave të LDK-së kanë ekzistuar qysh gjatë luftës dhe janë bërë publike. Pra,dihet se Shtabi i UÇK-së kishte hartuar një listë fillestare për likuidimin e Presidentit Rugova dhe figurave më eminente të Kosovës. Më vonë janë hartuar edhe shumë lista tjera,ku kanë qenë po ashtu figura të shquara të LDK-së,të cilat duhej likuiduar,pra,siç thoshin ata ''duhet hequr kokat e LDK-së''”, thotë Salihaj për “Bota sot”.
Sipas tij, në bazë të këtyre listave janë vrarë shumë veprimtarë të LDK-së, ndërsa mendon se këto lista ende nuk janë hequr nga opsioni,sado që tash kanë ndryshuar rrethanat dhe guximi i tyre për të vrarë është dukshëm më i vogël.
“Dihet se një pjesë e veprimtarëve të LDK-së,që kanë qenë në këto lista,janë vrarë,disa kanë shpëtuar me plagë në trup e disa tjerë u kanë shpëtuar plumbave të këtyre atentateve. Mendoj se strukturat e SHIK-ut ende ekzistojnë dhe këto lista ende nuk janë hequr nga opsioni,sado që tash kanë ndryshuar rrethanat dhe guximi i tyre për të vrarë është dukshëm më i vogël”, shprehet Salihaj.

Pregaditi M.Lakna

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30