Veseli thotë se Bashkësia Islame është meritore për tolerancën fetare në Kosovë

nga **Agim Gashi** Fri Mar 13, 2015 10:08 pm

Veseli thotë se Bashkësia Islame është meritore për tolerancën fetare në Kosovë

Myftiu Tërrnava ka vizituar sot Kryeministrin Mustafa dhe Kryeparlamentarin Veseli. Sipas njoftimeve, në këto takime është diskutuar edhe për ligjin për bashkësitë fetare ndërkohë që thuhet se Veseli ka vlerësuar rolin e BIK për tolerancën fetare në vend.

Më poshtë mund të lexoni njoftimin e Bashkësisë Islame të Kosovës dhe atë të Qeverisë së Kosovës për takimin.
Myftiu i Kosovës, Naim ef. Tërnava sot vizitoi kryetarin e Kuvendit të Kosovës z. Kadri Veselin, të cilin e uroi dhe e përgëzoi për detyrën e re, e të cilit njëherësh i ofroi edhe bashkëpunimin dhe përkrahjen e BIK-së për Kuvendin e Kosovës.
Kryeparlamanentari Veseli, pasi falënderoj Myftiun për vizitën, vlerësoi lart angazhimin dhe kontributin e Bashkësisë Islame të Kosovës në të gjitha proceset që ka kaluar vendi. Ai më tutje tha se Bashkësia Islame në vazhdimësi ka luajtur rol të rëndësishëm në shoqërinë tonë, dhe është meritore për kultivimin e tolerancës dhe mirëkuptimin ndërfetar.
Myftiu Tërnava e kryeparlamentari Vesli diskutuan edhe për nevojën e miratimit të ligjit për Bashkësitë fetare.
Ky është njoftimi i Qeverisë për takimin
Kryeministri i Republikës së Kosovës, Isa Mustafa, ka pritur në takim myftiun e Kosovës, Naim Tërnava, i shoqëruar nga bashkëpunëtorët e tij në Bashkësinë Islame të Kosovës.

Gjatë takimit, kryeministri Mustafa i ka njoftuar me prioritetet e Qeverisë dhe fokusimin për zhvillimin ekonomik dhe avancimin e proceseve të gjithmbarshme në Republikën e Kosovës.

Kryeministri vlerësoi rolin konstruktiv të komuniteteve fetare në Kosovë në proceset demokratizuese si dhe për tolerancën ndër fetare që ka karakterizuar gjithmonë Kosovën, duke shprehur përkushtimin e Qeverisë për bashkëpunim në avancimin e mëtutjeshëm të proceseve.

Myftiu i Kosovës, Naim Tërnava, ka uruar kryeministrin Mustafa për detyrën, duke i ofruar bashkëpunimin e Bashkësisë Islame për realizimin e objektivave zhvillimore të Qeverisë së Kosovës.

Veseli thotë se Bashkësia Islame është meritore për tolerancën fetare në Kosovë Bv