Milazim Krasniqi: Rugova ka qenë i moralshëm, pafytyrësi njollosja e tij

nga **Agim Gashi** Sun Mar 22, 2015 2:52 pm

Foto e vitit 1989: Ibrahim Rugova, Milazim Krasniqi, Sylejman Syla, Jusuf Buxhovi dhe Basri Çapriqi në redaksinë e revistës ‘Fjala”

Njëri ndër themeluesit e Lidhjes Demokratike të Kosovës, Milazim Krasniqi, bashkëpunëtor i ngushtë për një kohë i ish presidentit Ibrahim Rugova, i ka cilësuar si pafytyrësi ato që sot janë thënë nga ish truproja i Sali Berishës, Izet Haxhia, për presidentin e parë të Kosovës

Ish truproja Haxhia, duke zbuluar detaje nga e kaluara e ish presidentit të Shqipërisë, ka thënë se Berisha thoshte se Rugova është maniak i seksit, dhe Azem Hajdari atij i dërgon femra në hotel.
Kjo deklaratë e Haxhisë, ka irrituar publicistin kosovar Milazim Krasniqi. Ky thotë se ish presidenti Rugova ka qenë njeri shumë i moralshëm, dhe tentim njollosja e personalitetit të tij edhe për së vdekuri, është poshtërsi.
“Të përpiqesh të njollosësh Ibrahim Rugovën moralisht, (si “maniak sexi”) kjo është një ndyrësi, një poshtërsi, një idiotësi. Ibrahim Rugova ka qenë njeri shumë i moralshëm dhe shumë familjar”.
“Kam punuar shumë vite me të, por kurrë në jetë as edhe një fjalë të pamatur prej tij nuk e kam dëgjuar. Nuk ka mundur ta dëgjojë kurrë askush. Si është e mundur të etiketohet për së vdekuri kështu?! A ka fund ky pasion pervers për të përdhosur gjithçka?!”, ka shkruar Krasniqi në një reagim të shkurtër të publikuar në Facebook.