Në Shkup protestohet kundër pretendimeve për të “ashtuquajturin gjenocid ndaj armenëve”

nga **Agim Gashi** Fri Apr 24, 2015 6:21 pm

Në Shkup protestohet kundër pretendimeve për të “ashtuquajturin gjenocid ndaj armenëve”

Një grup qytetarësh të Shkupit me iniciativën e tyre u mblodhën në Çarshinë e Vjetër të Shkupit, të cilët shprehën revoltën e tyre ndaj pretendimeve të armenëve, Parlamentit Europian, etj, për ngjarjet e vitit 1915, ku në periudhën e fundit po aktualizohen në opinionin botëror, raporton Anadolu Agency (AA).
Grupi i qytetarëve me pankarta në duar dhe duke brohoritur “Mos harroni Kosovën dhe Bosnjën” e gjykojnë dhe protestojnë ashpër pranimin e të ashtuquajturit gjenocid ndaj armenëve nga ana e Parlamentit Evropian, Papa Françeskut dhe shteteve të tjera në botë.
Përpos protestimit me brohoritjet e tyre u lexua edhe një njoftim për shtyp në të cilin thuhej se: “Meqenëse me mijëra njerëz nga fe, etni dhe raca të ndryshme e humbën jetën, në mesazhin e Papës u pa qartë se u përmendën vetëm viktimat e një feje dhe kombi. E vetmja kjo flet qartë për qëndrimin diskriminues, racist dhe islamofob”.
Më tej theksohet se shtetet perëndimore që përkrahin këtë gënjeshtër me vendimin e tyre, bëjnë padrejtësi të madhe dhe si çdo herë luajnë me kartën e standardit të dyfishtë, si dhe keqpërdorin këtë tragjedi nga e kaluara për paragjykimet e tyre personale dhe për përfitimet e tyre politike.
Në njoftim po ashtu thuhej se ata të cilat në historinë e tyre, në rajone të ndryshme të botës, siç janë Afrika, Amerika dhe Lindja e Mesme, shkaktuan gjenocide, ata të cilët nuk kanë guxim të ballafaqohen me të kaluarën e tyre, tekstualisht u hodhën në gara për fajësimin e Turqisë dhe Botës Islame. “Po ata të njëjtit, para se ta pranojnë këtë gënjeshtër dhe padrejtësi, le t’i shikojnë gjenocidet, të cilat i kanë bërë ndaj muslimanëve në regjionin e afërt, le ta shohin gjenocidin armen që u bë në Hoxhali – Azerbajxhan, le t’i shohin ata të cilët e detyruan popullatën autoktone nga Ballkani në migrim të dhunshëm, le t’i shohin fëmijët dhe gratë e masakruara në Lindjen e Mesme dhe Turkistanin Lindor”, nënvizohej në njoftim.
Grupi i qytetarëve thonë se zëri i cili ngrihet nga trojet ballkanike nuk do të hesht asnjëherë dhe se turqit, shqiptarët, boshnjakët dhe të gjitha komunitetet tjera i gjykojnë ashpër këto vendime për pranimin e të ashtuquajturit gjenocid. Ata apelojnë që të gjithë të jenë në anën e paqes dhe ta plotësojnë detyrën e tyre ndaj shoqërisë, pasi që me pranimin e të ashtuquajturit gjenocid armen, ata nuk kontribuojnë në paqen botërore, por përkundrazi e ndezin më shumë diskriminimin dhe padrejtësinë në botë.
“Nuk keni të drejtë t’a gjykoni atë civilizim, i cili në periudhën kur në Evropë u zhvilluan luftëra të përgjakshme, ndërsa 5 shekuj po ai civilizim pa asnjë diskriminim fetar, etnik e kulturorë solli paqen, drejtësinë dhe mirëqenien në këto hapësira”, thonë ata, dhe porositën se popujt e Ballkanit nuk e pranojnë këtë shpifje dhe si çdo herë theksojnë që përkrahin shtetin mik dhe vëllazëror, Republikën e Turqisë.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31