Osmani: Nuk më ndal askush të kontribuoj në LDK

nga **Agim Gashi** Mon Jul 06, 2015 11:55 pm

Osmani: Nuk më ndal askush të kontribuoj në LDK

Lidhja Demokratike e Kosovës që nga sot ka kryesinë e re të partisë. Jashtë listës siç edhe është pritur kanë mbetur Vjosa Osmani dhe Arben Gashi. Osmani ka qenë kundërkandidate e Isa Mustafës për kryetar të LDK’së.

Osmani e cila deri më tash ka qenë në kryesinë e LDK’së nuk është as anëtare e Këshillit Drejtues të kësaj partie.
Megjithatë ajo ka thënë se nuk do ta ndalë askush për ta quar deri në fund synimin e saj për ta shëndrruar LDK’në në një parti të cilën si ka thënë ajo e do elektorati i LDK’së.
E kontaktuar nga RTK, Osmani nuk ka dashur ta komentoj vendimin e Mustafës që ajo të mos jetë në këtë organ të partisë.
Për këtë çështje ajo ka shkruar në Facebook.
“Statuti i LDK-së (Neni 23.7) kërkon qe deputetet qe s'janë anëtarë të Këshillit të Përgjithshëm të ftohen në Mbledhjet e Këshillit dhe të marrin pjesë pa të drejtë vote, por me të drejtë diskutimi. Në kundërshtim me këtë norme statutare dhe të gjitha praktikat e mëhershme, sot, deputetet që nuk janë anëtarë të KP, nuk u ftuan e as njoftuan për mbledhjen e këtij Këshilli. Edhe sot vazhdoi 'demokracia' e aklamacionit, metode kjo e eliminuar nga praktikat e vendeve demokratike para shume dekadash.
Ja teksti i plote i nenit 23.7 te Statutit:
Në punën e Këshillit të përgjithshëm marrin pjesë, pa të drejtë vote, deputetët, ministrat, kryetarët e komunave nga radhët e LDK-së, kryetarët e degëve të LDK-së, kryetarët e forumeve të LDK-së dhe të Këshillit të Ekspertëve të LDK-së, të cilët nuk janë anëtarë të Këshillit të Përgjithshëm”, shkruan Osmani
.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30