Arrestohet prokurorja e rastit të Gani Gecit, Vahide Badivuku

nga **Agim Gashi** Sun Aug 23, 2015 3:02 pm

Arrestohet prokurorja e rastit të Gani Gecit, Vahide Badivuku

Vahide Badivuku

(I plotësuar) - Bashkë me prokuroren Vahide Badivuku janë arrestuar edhe dy ndërmjetësues, ndërsa i treti gjendet në arrati.
Pas hetimeve të gjata, të udhëhequra nga një prokuror vendës i Prokurorisë Speciale të Republikës së Kosovës, në bashkëpunim me Policinë e Kosovës, në orët e hershme të mëngjesit të sotëm janë arrestuar tre persona, prej tyre: një prokurore, V.B (Vahide Badivuku ), nga Departamenti për Krime të Rënda në Prokurorinë Themelore të Mitrovicës, si dhe dy ndërmjetësues, ndërsa ndërmjetësuesi i tretë gjendet në arrati, njofton kumtesa nga Prokuroria Speciale Kosovës.
Të arrestuarit dyshohen për veprat penale:
• “Marrja e ryshfetit”, sipas nenit 428, paragrafi 2, të Kodit Penal të Republikës së Kosovës;
• “Keqpërdorimi i pozitës apo autoritetit zyrtar”, nga neni 422, paragrafi 1, të Kodit Penal të Republikës së Kosovës;
• “Ushtrimi i ndikimit”, sipas nenit 431, paragrafi 1, lidhur me nenin 31, të Kodit Penal të Republikës së Kosovës.
E pandehura V.B. është arrestuar nën dyshimin se ka marrë ryshfet për t’i liruar disa vetura të sekuestruara, në një lëndë penale, të cilën ajo e ka pasur në hetime. V.B. ka kërkuar ryshfet në shumën prej 22.000 euro (njëzetedymijë euro) përmes ndërmjetësuesve dhe pas dorëzimit të shumës në fjalë, si prokurore e rastit ka përpiluar kërkesën për lirim të automjeteve.
Mbrëmë gjatë kontrollit në pikë kalimin kufitar në Merdare, është kontrolluar e pandehura V.B. dhe në çantën e saj janë gjetur shuma prej 5.000 euro, të cilat janë pjesë e 22.000 eurove të pranuara ryshfet.

Marrja e ryshfetit: Arrestohet prokurorja Vahide Badivuku dhe dy të tjerë

Policia e Kosovës respektivisht njësiti i hetimeve të krimeve ekonomike në orët e hershme të mëngjesit ka arrestuar prokuroren e krimeve të rënda Vahide Badivuku.
Lajmin e ka konfirmuar zëdhënësi i policisë Daut Hoxha.
Hoxha ka theksuar se së bashku me Badivukun janë arrestuar edhe dy persona të tjerë me dyshimin për keqpërdorim të detyrës zyrtare dhe marrje të ryshfetit.
Vahide Badivuku ishte prokurore e rastit Gani Geci të dyshimtë për një vrasje.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30