Bilanci i aksionit të VV-së: 55 vetura të dëmtuara, 15 aktivistë të arrestuar

nga **Agim Gashi** Fri Sep 11, 2015 6:43 pm

Bilanci i aksionit të VV-së: 55 vetura të dëmtuara, 15 aktivistë të arrestuar

Marrëveshjet e fundit në mes të Kosovës dhe Serbisë në Bruksel, e në veçanti marrëveshja për Asociacionin e Komunave me shumicë serbe, ka bërë që Lëvizja Vetëvendosje! të shpeshtojë edhe aksionet e saj simbolike, për t’i kundërshtuar ato.
Një të tillë ajo e ka zhvilluar edhe të premten, me ç’rast një numër prej 40 aktivistësh kanë hyrë në oborrin e objektit qeveritar te ish-Rilindja, duke shpuar gomat e rreth 55 veturave zyrtare.
E për të penguar hyrjen e tyre në oborrin qeveritar është dashur intervenimi i policisë, i cili rezultoi edhe me arrestimin e 15 aktivistëve.
Ata me forcë i morën aktivistët duke i tërhequr zvarrë dhe i futën në objektin qeveritar. Kjo mund të shihet edhe në videot e realizuara nga gazetarja e KosovaLive në teren.

Në ndihmë të policëve, erdhi edhe Njësia Speciale, por asaj nuk iu desh që të ndërhynte fare, pasi aktivistët e Vetëvendosje!-s, tashmë i kishin dhënë fund aksionit.
Ata duke u larguar nga oborri i objektit të Qeverisë që ndodhet në ish-ndërtesën e Rilindjes, kanë vazhduar rrugën për në sheshin “Nënë Tereza”, për të shkuar deri te selia e tyre, që ndodhet te “Qafa”.
Pas tyre ishte edhe Policia e Kosovës, e cila i shoqëroi ata deri në afërsi të ndërtesës tjetër të Qeverisë së Kosovës.
Me përfundimin e aksionit edhe Lëvizja Vetëvendosje! edhe policia kanë dalë me komunikata, në të cilët japin shpjegimet e tyre rreth këtij aksioni.

Sipas policisë së Kosovës “sot rreth orës 11:00, ka pranuar informacionet se rreth 40 persona, aktivistë të Lëvizjes Vetëvendosje! kanë hyrë me dhunë brenda oborrit të objektit të ish- Rilindjes, personat e dyshuar kanë filluar që t’i dëmtojnë gomat e veturave me targa zyrtare.
Polica e Kosovës në bazë të detyrave dhe autorizimeve të përgjithshme ka ndërmarrë veprimet e nevojshme ligjore për të menaxhuar me këtë situatë dhe gjatë kryerjes së detyrës një zyrtar policor ka pësuar lëndime trupore”, thuhet në njoftimin e policisë.

Më tej thuhet se gjatë këtyre zhvillimeve janë shoqëruar për në stacion policor 15 persona, të cilët po intervistohen sipas proceduarve të parapara dhe të gjitha veprimet e mëtutjeshme do të kryhen në pajtim me ligjin.

Bilanci i aksionit të VV-së: 55 vetura të dëmtuara, 15 aktivistë të arrestuar 12009753_10152955454847000_453561645581964871_n-300x200

E në anën tjetër Vetëvendosje! jep shpjegimin e saj lidhur me aksionin, duke thënë se me këtë aksion ata duan të defunksionalizojnë qarkullimin e veturave të qeverisë së Isa Mustafës pasi sipas saj, këtë qeveri, Mustafa po e përdorë për ta jetësuar “Zajednicën”, me gjithë dëmet e rreziqet për shtetin e Kosovës.
Vetëvendosje! ka publikuar emrat e aktivistëve të arrestuar. Ata janë Gëzon Kastrati, Alban Makolli, Daut Halili, Armend Krasniqi, Vllaznim Krasniqi, Muhamet Merofci, Erden Atiq, Imer Fejza, Uran Hasani, Teuta Hasani, Muhamet Bytyqi, Fatos Sahiti, Kastriot Gërbeshi, Gurjeta Zeka, etj.
Ajo pohon se ka edhe aktivistë të lënduar nga ndërhyrja e policisë dhe ata janë Albana Gashi, Etleva Malushaj, Margaritë Hajrizi, Valon Simnica, etj.

“Policia është duke përndjekur aktivistët e Lëvizjes nëpër qytet dhe po i arreston e rrah ata kudo që po i takon”, thotë Vetëvendosje!

Rikujtojmë se ky nuk është aksioni i vetëm i Vetëvendosje!-s i organizuar ditëve të fundit. Të tilla ka pasur edhe ndaj kryeministrit Isa Mustafa, ku eskorta e tij ishte sulmuar me vezë dhe ngjyrë dy herë gjatë ditës, tek po shkonte dhe kthehej ai nga zyra e tij, në Qeverinë e Kosovës.
Këto aksione sipas Vetëvendosje!-s janë paralajmërim i protestave që do të mbahen në kundërshtim të marrëveshjeve të Brukselit, por për të cilat ende nuk ka një datë se kur do të ndodhin.

Bilanci i aksionit të VV-së: 55 vetura të dëmtuara, 15 aktivistë të arrestuar 11988617_10152955454442000_7922292308407444825_n-300x200

Bilanci i aksionit të VV-së: 55 vetura të dëmtuara, 15 aktivistë të arrestuar 11917477_10152955454692000_4954257635030759014_n-300x200

Bilanci i aksionit të VV-së: 55 vetura të dëmtuara, 15 aktivistë të arrestuar 12011246_10152955454707000_4809221145550081543_n-300x200

Bilanci i aksionit të VV-së: 55 vetura të dëmtuara, 15 aktivistë të arrestuar 12006130_10152955454367000_8801095371918361730_n-300x200

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30